შიდა აუდიტიდან კულტურის მინისტრობამდე – ვის “ჩააბარეს” სამინისტრო?

კულტურის მინისტრის მოვალეობას მიხეილ კიკნაძე შეასრულებს, რომელიც კულტურის მინისტრის პირველ მოადგილედ დაინიშნა. მიხეილ კიკნაძე ამ დრომდე, კულტურის სამინისტროში შიდა აუდიტისა და მონიტორინგის დეპარტამენტის უფროსი იყო.

კულტურის მინისტრის მოვალეობის შემსრულებლის მიერ, 2 წლის წინ შევსებული დეკლარაციის მიხედვით, კულტურის სამინისტროში მისვლამდე კიკნაძე საქართველოს რკინიგზაში ანალიზისა და მონიტორინგის დეპარტამენტის უფროსი იყო, შემდეგ კი კომპანია “ჯიარ ტრანზიტ ლაინის” შიდა მონიტორინგის მენეჯერი.

კულტურის მინისტრმა თანამდებობა დატოვა. შესაბამის განცხადება თიკა რუხაძემ გუშინ სოციალურ ქსელში გაავრცელა.

რუხაძემ გადადგომის მიზეზად ჯანმრთელობის მდგომარეობა დაასახელა და თქვა, რომ მას საგანგებო კურსის გავლა ესაჭირეობა, რის გამოც “მინისტრის მოვალეობას ჯეროვნად ვეღარ შეასრულებს.”