დაავადებათა კონტროლის ეროვნული ცენტრის დირექტორმა, ამირან გამყრელიძემ “ტვ პირველის” პირდაპირ ეთერში განაცხადა:
„კორონავირუსი არც ივნისში აღმოიფხვრება, არც ივლისში და არც აგვისტო-სექტემბერში. ჩვენ ამ ტიპის რესპირაციულ ვირუსთან თანაცხოვრება უნდა ვისწავლოთ.
მთავრობამ წარადგინა 6-ეტაპიანი გეგმა და ვემხრობი შეზღუდვების შემსუბუქებას, მაგრამ რამდენიმე მთავარი შეზღუდვა უნდა დარჩეს.
მინდა მოვუწოდო მოსახლეობას – მათ რატომღაც მოქალაქეებმა ეს შემსუბუქების პირველი ეტაპი აღიქვეს ისე, რომ კორონავირუსი დამარცხებულია და ახლა ყველაფერი შეიძლება გავაკეთოთ.
ჩვენ დიდი ხნის განმავლობაში მოგვიწევს:
დახურულ შენობებში პირბადეებით სიარული, დისტანცირება, ხელების ხშირი დაბანა, პირადი და საზოგადოებრივი ჰიგიენის მკაცრი წესების დაცვა, მასობრივი შეკრებებისგან თავის არიდება.
მსოფლიოში დამკვიდრდა ახალი ტერმინი – პოსტკორონავირუსული სამყარო.
6-8 თვის შემდეგ, დიდი ალბათობით, გვექნება მედიკამენტები, რომლებიც ამ კორონავირუსზე პირდაპირ იმოქმედებენ. დიდი ალბათობით, წლის ბოლოსთვის იქნება შექმნილი ვაქცინა. ამიტომ გვჭირდება ეს შეზღუდვები, თავდაცვის წესები იმისთვის გვჭირდება, რომ სპეციალისტებმა ვაქცინის შექმნა მოასწრონ“
“ალია”- ჩვენს მკითხველს ახსოვს, პრემიერმაც წარადგინა სლაიდი “სავალდებულო წესები” ჰქვია, სადაც ჩამოთვლილი იყო შეზღუდვები, რომელზედაც პრემიერმა თქვა, რომ წლობით გასტანს.
იმ შემთხვევაშიც კი, თუ ვაქცინას და წამალს წლის ბოლომდე გამოიგონებენ და ეს შეზღუდვები წლობით კი არა, მხოლოდ წლის ბოლომდე გაგრძელდება – საინტერესოა, მასობრივი შეკრებების გარეშე ან საარჩევნო კამპანიას როგორ გეგმავს ხელისუფლება, ან არჩევნებს? ონლაინ და დისტანციურად? – ვნახოთ…
კომენტარები