ჯეიმს აპატურაი პარლამენტის თავმჯდომარეს შეხვდა. შეხვედრას ოპოზიციის წევრებიც ესწრებიან. მანამდე აპატურაი საგარეო საქმეთა სამინისტროში იმყოფებოდა.
ჯეიმს აპატურაიმ მედიასთან თქვა:
“საქართველოში ბოლო დროს ჩვენ ვნახეთ პოლარიზაცია, თუმცა სასიამოვნოა, რომ პარლამენტმა დაიწყო ფუნქციონირება და გაატარა მნიშვნელოვანი რეფორმები, ვიცი, რომ ზოგიერთი რეფორმა კიდევ მიმდინარეობს, მათ შორის მართლმსაჯულების მიმართულებით. ასე რომ, პროგრესი არის და მთავარი აქ ისაა, რომ ქართველ ხალხს სურს ამ რეფორმების გატარება.
ჩვენ განვიხილეთ საგარეო საკითხების მთელი რიგი, თუ როგორ უნდა იმოძრაოს საქართველომ ნატოს წევრობისკენ და შევთანხმდით, რომ ბოლო 10 წლის განმავლობაში დიდი პროგრესი იქნა მიღწეული”
აპატურაი დღეს სხვა ოფიციალურ შეხვედრებსაც გამართავს, მათ შორის შეხვდება პრეზიდენტსა და პრემიერს.
კომენტარები