“ენმ”-ის ერთ-ერთმა ლიდერმა, რომან გოცირიძემ, ჟურნალისტებთან პრეზიდენტის საახალწლო მიღებაზე ისაუბრა და თქვა:
“ეს არ არის ოფიციალური, საქმიანი მიღება, ეს არის პატარა დისკოთეკა, თუ შეიძლება ასე ითქვას.
ესაა წვეულება, რომელსაც ატარებს პრეზიდენტი ახალ წელს, საშობაოდ, სააღდგომოდ და კიდევ რაღაც დღესასწაულთან დაკავშირებით, იმ შენობაში, რომელსაც ბოქლომი ადევს და მილიონობით ფული იხარჯება მის შენახვაზე, დაცვაზე, გათბობაზე და ა.შ. ეს არის შენობა, რომელიც დაიცალა ბიძინა ივანიშვილის ახირების გამო და წელიწადში ერთხელ ასეთი ალაფურშეტი იმართება იქ.
როცა საქმიანი შეხვედრა იქნება პრეზიდენტთან, “ნაციონალური მოძრაობა” დაჯდება მასთან მოლაპარაკების მაგიდაზე სხვა ოპოზიციურ პარტიებთან ერთად, ჯერ საქმიანი ფორმატი და შემდეგ საახალწლო ტაშ-ფანდური.
ახლა რომ შევაფასო პრეზიდენტის მიერ ინიცირებული კრიზისის განმუხტვის საკითხი, არ მინდა ჩემი სკეპტიკური განცხადებით ეს მისი წინასაახალწლო ინიციატივა თუ ხასიათი გავუფუჭო მას. დიდი იმედები არ მაქვს, მაგრამ მას აქვს გარკვეული შანსი, რომ იმ ბატალიების ფონზე, როგორც მოხდა მისი არჩევა და ახლა როგორ არის შეფასებული მისი დამოუკიდებლობის ხარისხი, რეპუტაცია აღიდგინოს, ვნახოთ, როგორ გამოიყენებს ამ შანსს.
შერიგება არის მომავალი თანაცხოვრების პრინციპებზე აგებული პროცესი, რომლის დაწყება შეუძლებელია მიხეილ სააკაშვილის გათავისუფლების გარეშე. კონსტიტუციური უფლება იმიტომ აქვს და იმიტომ მიანიჭა ხალხმა, რომ ის გამოიყენოს მაშინ, როცა ქვეყანას ყველაზე მეტად უჭირს, თუ კრიზისის ნაწილობრივი განმუხტვის საშუალება აქვს, ეს ბერკეტი უნდა გამოიყენოს, ამიტომ არის ამით აღჭურვილი და არა იმიტომ, რომ თავის ნაცნობები შეიწყალოს.”
კომენტარები