“შენ მე 7 ნოემბერს გაზით მომწამლე, 26 მაისს დუბინკები მირტყი თავში, მომკალი კორტებთან, სისხლის ტბორში მაცურავე სამგორში და და შენ ჩამოირეცხე ჩემი სისხლი?..” – შათირიშვილი

მწერალი, “ქართული ოცნების” ერთ-ერთი დამფუძნებელი, მერაბ შათირიშვილი:

“შენ მე 7 ნოემბერს გაზით მომწამლე, ჩემს თვალწინ მოკალი გია მაისაშვილი და კობა დავითაშვილი, 26 მაისის ღამეს დუბინკები მირტყი თავში და მაღაზიის თავზე შემომაგდე, აპრილის აქციების დროს გიენებივით გვიპარავდი და სიბნელეში გვისწორდებოდი, მომკალი კორტებთან, დიდუბის პანთეონთან სიცოცხლეს გამომასალმე, მერე მომკალი რუსთველის მეტროს მიმდებარედ და სასტიკად გამისწორდი კოჯრის ტყეში, სისხლის ტბორში მაცურავე სამგორში და რამდენი ერთი მკვლელობა და ავაზაკობა შეგახსენო, და შენ ჩამოირეცხე ჩემი სისხლი?..

და შენ ბედავ ხელისუფლებაში დაბრუნებას?..

და შენ გსურს დაგვცინო და ყოველგვარ კანონზომიერებას მიაფურთხო?..

არა, ეს არ გამოვა, შენ, “ქართული ოცნება” რომ არ გიცავდეს, ჩვენგან, “მოკლულებისგან” სულ სხვა განაჩენი გელის და კრთოდე!..”