“შემოსული მილიარდები ქრება – თუ პრემიერი ამ 2 მინისტრს არ გადააყენებს, თანამონაწილე იქნება” – დავით ჭიჭინაძე

პარტია “ტრიბუნას” დამფუძნებელი დავით ჭიჭინაძე ქვეყანაში არსებულ მძიმე ეკონომიკურ მდგომარეობაზე საუბრობს.

“თუ ღარიბაშვილი არ გადააყენებს ეკონომიკის და ფინანსთა მინისტრებს და ე.წ. სამი მუშკეტერის საქმეებით პროკურატურა არ დაინტერესდება, მაშინ თავად ღარიბაშვილი გახდება პასუხისმგებელი მთელ იმ უბედურებაზე, რაც ქვეყანაში ტრიალებს. შესაბამისად თანამონაწილეც.

რადგან სწორედ ამ „ოცნების“ ხელისუფლებამ მოახერხა ის, რომ ადამიანების ჯანმრთელობის, ეკონომიკური მდგომარეობის გაუარესების ხარჯზე გაიუმჯობესეს მატერიალური მდგომარეოაბა და მიითვისეს პოლიტიკური ძალაუფლება.

ანუ, სანამ ჩვენ ამდენი თვეა ზღაპრებს გვიყვებიან,

ქვეყანაში შემოსული მილიარდები ქრება;

კოვიდის ფონდით არჩევნებს ყიდულობენ;

გაჩერებული ქვეყნის, გაღატაკებული ხალხის ფონზე ბანკები მარტო იანვარში 117 მილიონიანი სუფთა მოგებაზე გადიან;

(რაც გასულ წლბენთან შედარებით სამაოდ მაღალი მაჩვენებელია!)

საბანკო სისტემამ, არაპროფილური საქმიანობით, მანიპულირების მეშვეობით ყველაფერი მიიტაცეს და ასევე არნახულ მოგებებზე გავიდნენ.

( მაგ. საავადმყოფოები, აფთიაქები, სადაზღვევო კომპანიები…)

მარტივად რომ ვთქვათ, როგორც კი ქვეყანაში ფული შემოვიდა, ამ ფულის სხვადახვა სქემებით მიტაცება მოხდა.

ადამიანები კი, ცოტა ხანში, ისეთ მდგომარეობაში აღმოჩნდებიან, როდესაც მთელი შემოსავლების ნაწილი, რომელსაც მონური შრომის ხარჯზე იხდიან, ვალების მომსახურება დასჭირდება…”