“სატრანზიტო პოტენციალის გამო ბევრი სახელმწიფო დაგვიდგება თავდებში, დროულად დავძრათ ანაკლია და მეგაპროექტები” – ოთარ ფანცულაია

დევნილთა პოლიტიკური თანამშრომლობის ცენტრის” დამფუძნებელი  ოთარ ფანცულაია:

“კარგი იქნებოდა პუტინს გაებედა და მისთვის სახე აეხიათ, მაგრამ არ დაიწყო შეტევა. ომის მოლოდინის ისტერიკა არ გამართლდა. ეს იმას არ ნიშნავს, რომ საფრთხე გაქრა. რუსეთი ყოველთვის იქნება საფრთხის წყარო ცივილიზებული სამყაროსთვის. იმედია ჯარს გაიყვანს და მიტაცებულ ტერიტორიებსაც ხელს გაუშვებს.

ვიღაცამ პუტინის უკან დახევა, მარცხი და პარანოიდალური შიშები შენიშნა..

არ გამოვრიცხავ, რომ მთელი ეს მანევრები თავიდანვე ჰქონდა ჩაფიქრებული რეალობის დაზვერვის მიზნით.

მოვინიშნე იმ დასავლელი პარტნიორების სასურველზე უფრო ვიწრო წრე, რომლებიც ჩრდილოეთიდან დიდი პრობლემის წარმოშობის შემთხვევაში დაგვიცავენ. ამ სიაში სამწუხაროდ არ არიან: იტალია, საფრანგეთი, ხორვატია, სლოვაკეთი და გერმანია.

ნატო ილუზიაა. ეს ცალსახაა. მაგრამ გვაქვს სატრანზიტო პოტენციალი, რის გამოც ბევრი სახელმწიფო დაგვიდგება თავდებში. ამიტომ გვერჩივნოს დროულად დავძრათ ეკონომიკა, ანაკლია და მეგაპროექტები.”