ექიმი კოტე მათითაშვილი, სოციალურ ქსელში, ავრცელებს წერილს:
“ფონდი კურაციოს კვლევის მიხედვით ეპიდემიის იმპორტირების ეტაპი გაიგივებულია პირველი 100 შემთხვევის გამოვლენის პროცესთან.
სხვადასხვა ქვეყანას პირველი 100 შემთხვევა დაუდგა საშუალოდ 11 დან 37 დღეში.
საქართველოში 100 შემთხვევა დადგა 34-ე დღეს. იდეალური მართვის ქვეყნებს (სამხრეთ კორეა, ჰონგკონგი, სინგაპური, ტაივანი) ეს მაჩვენებლი დაუდგათ 20, 36, 36, და 66 დღის შემდეგ. ანუ იდეალურ ციფრებთან ახლოს ვართ.
100 შემთხვევის შემდეგ ითვლება, რომ იწყება მასიური გავრცელება.
როგორც იცით, დღეს საქართველოში 103 შემთხვევაა დაფიქსირებული. შესაბამისად, ჩვენც გადავედით მასიური გავრცელების ეტაპზე.
ახლა საინტერესოა, როგორ შეიცვლება ეს რიცხვი უახლოეს დღეებში.
ევროპის ქვეყენებს (იტალია, გერმანია, ესპანეთი, საფრანგეთი …) 100 შემთხვევის შემდეგ 500 შემთხვევა დაუდგათ 3-4 დღეში და მას შემდეგ ყოველდღიურად 21-31% -ით იზრდება. ხოლო წარმატებულ ქვეყნებში (სინგაპური, ჰონგ კონგი) 100 შემთხვევის გაორმაგებას 14 დღე დასჭირდა. გამონაკლისია სამხრეთ კორეა, რადგან მათ დაიწყეს აგრესიული ტესტირება, და ტაივანი, რომლებმაც სულ ახლახანს მიაღწიეს 100 შემთხვევას.
ანუ, თუ ჩავთვლით იმას, რომ ჩვენ წარმატებულ და წარუმატებელ ქვეყნებს შორის ვართ, ან უფრო ახლოს ვართ წარმატებულ ქვეყნებთან, 100 შემთხვევის ყოველდღიურ გაორმაგებას და გახუთმაგებას არ უნდა ველოდოთ. ალბათ, საშუალოდ გაორმაგდება მე-7დღეს (ოპტიმისტურად).
რაც შეეხება შედარებით გრძელვადიან პროგნოზს, ეს პირდაპირ კავშირშია მოსახლეობის მიერ კარანტინის წესების დაცვასთან.
თუ დავიცავთ წესებს (კონტაქტი შემცირდება 60%ით) ქვეყანაში იქნება მინიმუმ 1400 შემთხვევა ჰოსპიტალიზებული, ხოლო თუ არ დავიცავთ წესებს იქნება 6000 შემთხვევაზე მეტი, რაც გამოიწვევს ჯანდაცვის სისტემის კოლაფსს, ბევრი ფატალური გამოსავლით.
#დარჩითსახლში (ნანა აშორდიას გვერდიდან წამოვიღე)”
კომენტარები