ჩვენ ვაცხადებთ კიდევ უფრო გამკაცრებულ მზაობას და ვემზადებით შემდეგი პაციენტების მიღებისთვის, – ამის შესახებ ჯანდაცვის მინისტრმა მთავრობის ადმინისტრაციაში საკოორდინაციო საბჭოს სხდომის შემდეგ განაცხადა, რომელზეც პრემიერ-მინისტრი კერძო კლინიკების ხელმძღავანელებს შეხვდა.
„2 000-მდე ჩვენი მოქალაქე, რომელიც ამ პერიოდის მანძილზე იმყოფებოდა სხვადასხვა სარისკო ქვეყანაში და რისკი ამ ეტაპზე მომატებულია ევროპაში საგანგაშოდ, არის დღეს-დღეობით საქართველოში. ისინი იმყოფებიან საკარანტინო ზონაში და ასევე თვითზიოლაციაში. შესაბამისად, მომდევნო 2 კვირის მანძილზე ჩვენ ამ მოქალაქეებში, რა თქმა უნდა, ველოდებით რიცხვის ზრდას. სწორედ ეს არის ერთ-ერთი მთავარი მიზეზი იმისთვის, რომ ჩვენ ვაცხადებთ კიდევ უფრო გამკაცრებულ მზაობას და ვემზადებით შემდეგი პაციენტების მიღებისთვის, რისთვისაც გვინდა, რომ ვიყოთ სრულიად მობილიზებულები და სრულიად იყოს ინფორმირებული როგორც ჩვენი მოქალაქეები, ასევე ჩვენი კერძო სექტორი, რათა შემდგომში, უკვე დამდგარი ფაქტის შემთხვევაში არ გვქონდეს გარკვეული გადაცდომები და შეფერხებები ვირუსის მართვის პროცესში“
კომენტარები