,,საქართველოს გარშემო საინტერესო რაღაცები ხდება, ჩვენ თითქოს ჭურში ვზივართ…” – ირაკლი მელაშვილი

ყოფილი პარლამენტარი ირაკლი მელაშვილი:

,,საქართველოს გარშემო საინტერესო რაღაცეები ხდება, ჩვენ თითქოს ჭურში ვზივართ და ისე ვიქცევით, თითქოს არაფერი არ გვეხება :(((

რამდენიმე დღის წინ, ტრამპის პირადი წარმომადგენელი ახლო აღმოსავლეთის საკითხებში, სტივ უიტკოფი, მოულოდნელად აზერბაიჯანში ჩავიდა. ინფორმაცია ასეთია, რომ აზერბაიჯანი შეიძლება შეურთდეს ე. წ. “აბრაამის შეთანხმების” ქვეყნებს. ეს ინიციატივა თავის დროზე ტრამპის და მისი სიძის, ჯერალდ კუშენრის იდეა იყო. ის ითვალისწინებდა ისრაელსა და რამდენიმე არაბულ სახელმწიფოს შორის ურთიერთობების ნორმალიზაციის შესახებ შეთანხმებების სერიიის გაფორმებას, რაც მოხდა კიდეც 2020-2021 წლებში.

ადვილი მისახვედრია, რომ ამ ინიციატივის სახელი უკავშირდება წინასწარმეტყველ აბრაამს, რომელიც წარმოდგენილია სამივე მსოფლიო რელიგიაში: იუდაიზმში, ქრისტიანობაში და ისლამში.

„აბრაამის შეთანხმება “, რომელიც ტრამპის სიძის, ჯერალდ კუშნერის იდეათ ითვლება, არაბულ – ებრაული ურთიერთობების მოგვარებას ითვალისწინებდა. ამ ინივიცატიავის ფარგლებში , ისრაელმა ხელი მოაწერა სამშვიდობო ხელშეკრულებებს არაბთა გაერთიანებულ საემიროებთან , ბაჰრეინთან და მაროკოსთან. ვინაიდან, თავის დროზე, ეს იდეა წარმატებული აღმოჩნდა, (თუმცა ბაიდენის ადმინისტრაციამ არ გააგრძელა ეს კურსი) ახლა, როგორც ჩანს, ამ პროცესში თურქული სამყაროც შემოყვანაც სურთ.

მარტის დასაწყისში ისრაელის 40 რავინმა მიმართა აშშ-ს პრეზიდენტ ტრამპს, რომ ეს შეთანხმება თურქულ სამყაროზეც გავრცელდეს, პირველ რიგში კი აზარბაიჯანზე. ბაქოს შემდეგ ამ შეთანხმებას მომავალში შეიძლება შეურთდნენ ყაზახეთი და უზბეკეთი. თან რავინებმა ტრამპს სთხოვეს, რომ გააუქმოს 1992 კონგრესის “თავისუფლების მხარდამჭერს აქტში” შეტანილი 907-ე შესწორება, რომლითაც კონგრესმა აშშ-ს მთავრობას დაუწესა გარკვეულ შეზღუდვები აზარბაიჯანთან თანამშრომლობის კუთხით. თავისთავად, რავინების ასეთი საგარეო პოლიტიკური აქტიურობა მუსლიმური სახელმწიფოს მხარდაჭერის კუთხით, საკმაოდ უპრეცენტედნტო მოვლენაა. ძალიან საინტერესოა, როგორ უყურებს ამ ამბავს ერდოგანის თურქეთი, რომელსაც ისრაელთან საკმაოდ დაძაბული ურთიერთობა აქვს და ღიად უჭერს მხარს პალესტინელებს.

მოკლედ, როგორც ჩანს, კავკასიის რეგიონული უსაფრთხოების კუთხით რაღაც ახალი შესაძლებლობები და ინიციატივები ჩნდება. ამას ადასტურებს ის ფაქტიც, რომ ილხამ ალიევის მრჩეველი ჰიკმეტ გაჯიევი ჩავიდა იერუსალიმში. მასთან პირადად გამართა მოლაპარაკებები ისრაელის პრემიერმა, ბენიამინ ნათანიახუმ, თუმცა რანგით, ის სხვა ქვეყნის პრემიერის თამაშემწეს ოფიციალურად არ უნდა ხვდებოდეს. ისრაელის წყაროების ცნობით, გაჯიევ-ნათანიახუს შეხვედრაზე , რომელიც კარგა ხანს გაგრძელდა, საუბარი იყო ორ ქვეყანას შორის საეტაპო შეთანხმებაზე. იგივეს აცხადებენ, წესით საკმოოდ კარგად ინფორმირებული, ალიევის მმართველობასთან დაახლოებული აზარბაიჯანელი ანალიტიკოსების (მაგალითად, გეიდარ ალიევის ყოფილი თანაშმეწე, ელდარ ნამაზოვი) საუბარი უნდა იყოს ე.წ. „აბრაამის შეთანხმების” ფარგლებში ისრაელს, აზერბაიჯანს და აშშ-ს შორის სამმხრივი სტრატეგიული პარტნიორობის ან უფრო მაღალი რანგის, (მაგალითად, სამოკავშირეო) ურთიერთობებზე. როგორც ჩანს, ამ მოლაპარაკებებზე განიხილება ქვეყნებს შორის უსაფრთხოების საკითხებში ძალიან მჭიდრო თანამშრომლობის საკითხი.

მოკლედ დიდი ახლო აღმოსავლეთის რეგიონის იდეა სულ უფრო შემოდის კავკასიაში. ჩვენ რას ვშებით, ამ დროს, ჩვენ? ჩვენს მთავრობას, პოლიტიკოსების უმრავლესობას ასეთი საკითხებზე საფიქრალად არ სცალიათ, პატარა ველურებივით ბუზის საკლავებით დავსდევთ ერთმანეთს და ვერთობით ერთურთისთვის ამა თუ იმ ქვეყნის აგენტების იარლიყების მიკერებით”