საგარეჯოში მომუშავე ექთანს, PCR ტესტით კორონავირუსი არ დაუდასტურდა, თუმცა მისი კვლევა კვლავ გრძელდება – ამის შესახებ ბოჭორიშვილის სახელობის კლინიკის სამეთვალყურეო საბჭოს თავმჯდომარემ მაკა სოლოღაშვილმა ჟურნალისტებთან საუბრისას განაცხადა.
სოლოღაშვილის თქმით, ექთანს სიღრმისეულ კვლევას ჩაუტარებენ, რადგან სწრაფმა ტესტმა კორონავირუსი დაადასტურა, ხოლო PCR ტესტის შედეგი უარყოფითი მოვიდა.
„პირველ ჯერზე დადებითი პასუხი გვაქვს მიღებული, თუმცა შემდეგ ექიმების მიერ პაციენტის გასინჯვის შედეგად დადგა საკითხი, რომ გადახედილიყო კვლევა. გვქონდა დადებითი პასუხი, კლინიცისტების ჩარევის შემდეგ მოხდა კვლევის გამეორება და გვაქვს უარყოფითი პასუხი, მაგრამ ასეთ შემთხვევაში საჭიროა უფრო ღრმა კვლევა. ამიტომ გადაწყდა, რომ ყველა ბიოლოგიური მასალით ჩატარებულიყო გაღრმავებული კვლევა. დღეს დღის განმავლობაში უკვე საბოლოოდ დადასტურებული პასუხი გვექნება. პაციენტი იზოლირებულად არის, ის კლინიკაში კოვიდინფიცირებულ პაციენტებთან შეხებაში არ ყოფილა,“ – განაცხადა სოლოღაშვილმა.
კომენტარები