სად, როდის და რატომ ჩატარდება მეორე ტური?

მერის არჩევნებში არჩეულად ითვლება ის კანდიდატი, რომელმაც ამომრჩეველთა ხმების 50%-ზე მეტი მიიღო. თუ ვერც ერთი კანდიდატი ამ ნიშნულს ვერ გადალახავს, ინიშნება არჩევნების მეორე ტური.

მაჟორიტარული საარჩევნო სისტემის საფუძველზე, საკრებულოს წევრად არჩეულად ითვლება კანდიდატი, რომელიც მიიღებს ამომრჩეველთა ხმების 40%-ზე მეტს. წინააღმდეგ შემთხვევაში ინიშნება მეორე ტური.

პროპორციული წესით, თბილისის საკრებულოში პარტია მოხვდება, თუ ის გადალახავს 2,5%-იან ბარიერს, ხოლო რეგიონებში – 3%.

როგორც მერის, ასევე, საკრებულოს მაჟორიტარების არჩევნების მეორე ტური ტარდება არჩევნებიდან მეოთხე შაბათს – ამ შემთხვევაში 30 ოქტომბერს.

არჩევნების მეორე ტურში მონაწილეობს 2 კანდიდატი, რომლებმაც პირველ ტურში სხვებზე მეტი ხმა მიიღეს.

წინასწარი მონაცემებით, ხუთივე თვითმმართველ ქალაქსა და 14 თვითმმართველ თემში ამომრჩეველს „ქართული ოცნების“ და „ნაციონალური მორაობს“ კანდიდატებს შორის მოუწევს არჩევანის გაკეთება.

გამონაკლისია თიანეთი, სადაც მეორე ტურში „ქართული ოცნებას“ „თამაზ მეჭიაური-ერთიანი საქართველოსთვის“ კანდიდატი დაუპირისპირდება.

წინასწარი მონაცემებით, მეორე ტური მოსალოდნელია:

თბილისი

კახა კალაძე – „ქართული ოცნება“

ნიკა მელია – „ნაციონალური მოძრაობა“

ბათუმი

არჩილ ჩიქოვანი – „ქართული ოცნება“

გიორგი კირთაძე – „ნაციონალური მოძრაობა“

ქუთაისი

იოსებ ხახალეიშვილი – „ქართული ოცნება“

ხატია დეკანოიძე – „ნაციონალური მოძრაობა“

რუსთავი

ნინო ლაცაბიძე – „ქართული ოცნება“

დავით კირკიტაძე – „ნაციონალური მოძრაობა“

ფოთი

ბექა ვაჭარაძე – „ქართული ოცნება“

გიგი უგულავა – „ნაციონალური მოძრაობა“

მეორე ტურია მოსალოდნელია 59-დან 15 თვითმმართველ თემში: თიანეთში, თელავში, ქარელში, ხაშურში, ცაგერში, ბაღდათში, წყალტუბოში, ოზურგეთში, სენაკში, ხობში, მარტვილში, ზუგდიდში, წალენჯიხაში, ჩხოროწყუსა და ხელვაჩაურში.

წყარო – რადიო თავისუფლება