“საარბიტრაჟო დავა ანაკლიის პროექტის განხორციელებაზე გავლენას ვერ მოახდენს” – დავითაშვილი

ანაკლიის პორტთან დაკავშირებით საარბიტრაჟო დავა ეკონომიკის მინისტრის მტკიცებით, პროექტის განხორციელებაზე გავლენას ვერ მოახდენს.

“ყველასთვის ნათელია, რომ კონკრეტული მოლოდინების დაფიქსირება შეუძლებელია, თუ როგორი იქნება საარბიტრაჟო დავის შედეგი, საქართველოს მთავრობას აქვს მყარი პოზიცია გამყარებული მტკიცებულებებით, რომ არბიტრაჟი საქართველოს სასარგებლოდ გადაწყდეს და სახელმწიფოს არ მოუწიოს განუხორციელებელი პროექტისთვის თანხების გადახდა, მითუმეტეს ვხედავთ, რა რაოდენობის თანხის მოთხოვნაა მომჩივანი მხარისგან მოთხოვნილი.
ეს არის ცალკე იურიდიული პროცესი, ეს ვერ მოახდენს გავლენას ვერც შერჩევის პროცესზე და ვერც პროექტის განხორციელებაზე,” – ამბობს მინისტრი.