საქართველოს პრემიერ-მინისტრმა ირაკლი ღარიბაშვილმა ჟურნალისტების კითხვას, ეთანხმება, თუ არა სასულიერო პირების განცხადებებს შერიგებაზე და არის თუ არა, შერიგების მზაობა, ასე პასუხობს:
“როგორ მიგაჩნიათ? პატიმარი სააკაშვილი ჩამოვიდა საქართველოში ერთი მიზნით, არეულობისთვის, მათ შორის, დაგეგმილი ჰქონდა მკვლელობების განხორციელება, თუ რა თქმა უნდა თუ ისე მოხდებოდა, როგორც მას ჰქონდა ჩაფიქრებული. მადლობა ღმერთს, ჩვენ ეს დიდი განსაცდელი ავარიდეთ ქვეანას და მოსახლეობას.
რაც შეეხება ეკლესიის წარმომადგენლების მოწოდებებს, ჩვენი სურვილიცაა, რომ ერთ დღეს ეს ადამიანები დაფიქრდნენ თავიანთ დანაშაულზე და გაიაზრონ თავისი პასუხისმგებლობა. ამის სურვილი ჩვენც გვაქვს.”
განცხადება პრემიერმა მცხეთაში გააკეთა.
ამ წინადებების თქმამდე რამდენიმე წამით ადრე, მან თქვა, რომ სააკაშვილზე აღარ ისაუბრებს. თუმცა, როგორც ჩანს, მისთვის დიდი ცდუნებაა ყოფილ პრეზიდენტზე საუბრის სურვილი და მას ვერ ეწინააღმდეგება.
