“სააკაშვილი რესტორანში აიყვანეს, თვითმფრინავში ჩასვეს და პოლონეთში გააძევეს – ამის გამო ლუცენკო პროკურატურიდან გააგდეს”

ლევნ ყურაშვილი, სოციალურ ქსელში, წერს:

“იულია ტიმოშენკო ანგელოზი არ ყოფილა. პირიქით, ათეულობით და შეიძლება ასეულობით მილიონიც იშოვნა მაშინ, როცა ხელისუფლებაში იყო (პირადად მან და არა ისე, რასაც უგულავას ედავებიან, რომ თანხა პარტაქტივზე დახარჯა).

მას შემდეგ, რაც ხელისუფლებაში იანუკოვიჩი მოვიდა, იულიაზე მომენტალურად აღძრეს საქმე და 7 წლით ციხე მიუსაჯეს. უკვე ციხეში მყოფზე მეორე საქმე აღძრეს და სასამართლო ციხეში იმართებოდა.

ამას მოჰყვა დასავლეთის რეაქცია და ყველა ერთხმად აცხადებდა, რომ ის პოლიტიკური პატიმარი იყო.

ცოდვების ნაკლებობას არც იური ლუცენკო უჩიოდა (ყოფილი შსს მინისტრი) და ტიმოშენკოსავით მასზეც საქმე აღძრეს და ციხეში ჩასვეს.

2014 წელს იანუკოვიჩი როსტოვში გაიქცა, ხოლო ტიმოშენკო იმ საღამოსვე გამოიყვანეს ციხიდან.
რაც შეეხება მის გამსამართლებელ მოსამართლეებს, მათზე მალევე აღიძრა სს საქმეები.

ლუცენკო ტიმოშენკოზე ადრე გამოვიდა, ხოლო იანუკოვიჩის გაქცევიდან მალევე გენპროკურორი გახდა (ვიქტორ შოკინის შემდეგ), და მის მოსამართლეებზეც საქმეები აღიძრა.

თუმცა, ეტყობა ლუცენკომ მისივე მაგალითზე ჭკუა ვერ ისწავლა, ახლა უკვე თავად აღძრა საქმე სააკაშვილის წინააღმდეგ სახელმწიფო ღალატის მუხლით და მისი დაკავების ბრძანებაც გასცა.

2018 წელს სააკაშვილი რესტორანში აიყვანეს, თვითმფრინავში ჩასვეს და პოლონეთში გააძევეს.

2019 წელს ხელისუფლება შეიცვალა, ლუცენკო პროკურატურიდან გააგდეს და მასზე საქმე აღძრეს.
რამდენიმე დღის წინ ცალკე საქმე აღიძრა სააკაშვილის გაძევების ეპიზოდზე, რომელიც პროკურატურამ უკანონოდ სცნო.

მოკლედ, მუდმივი არაფერია. ივანიშვილიც წავა როსტოვში (უფრო ადრე, ვიდრე გვიან).
ოღონდ თან თადუმაძეს, შოთაძეს და ფარცხალაძეს არ წაიყვანს.
აი მათ კი დიდი ხნით მოუწევთ ციხეში ჯდომა და აბსოლუტურად სამართლიანად.”