საქართველოში შეერთებული შტატების ელჩი, კელი დეგნანი ბათუმში, კრუიზით ჩამოსული ოკუპანტების წინააღმდეგ გამართულ პროტესტზე ამბობს:
“რუსული საკრუიზო ლაინერის შემოსვლას ბათუმში მოჰყვა რეაქცია საქართველოს მოქალაქეებისგან და ვფიქრობ, ეს რეაქცია ბუნებრივი იყო. ქართველები არაჩვეულებრივი, სტუმართმოყვარე ხალხია, მაგრამ არავინ უნდა ელოდოს, რომ ეს ხალხი სიამოვნებით დახვდება აქ ადამიანებს, რომლებმაც მათი მიწების ოკუპაცია მოახდინეს და ხელს უშლიან ადამიანებს, რომ სახლში დაბრუნდნენ. ამიტომ, ვთვლი, რომ ხალხის ასეთი რეაქცია არავის უნდა უკვირდეს”
ცნობისთვის, ბათუმში გუშინ შემოვიდა საკრუიზო ლაინერი “ასტორია გრანდე”. მან ნავსადგური საღამოს აქციის ფონზე დატოვა. აქცია მოქალაქეებმა მას შემდეგ დაგეგმეს, რაც სოჭიდან შემოსული გემის მგზავრებმა მედიასთან კომენტარის დროს თქვეს, რომ რუსეთი ოკუპანტი არაა, რომ ჩვენ ყველა საბჭოთა კავშირი ვართ, რომ რუსებმა აფხაზეთი ჩვენგან “გაათავისუფლეს”. გარდა ამისა, მგზავრების ნაწილი ღიად ამბობდა, რომ თავადაც არიან ნამყოფნი აფხაზეთში და კითხვას, იციან თუ არა, რომ საქართველოს კანონმდებლობით, ეს კანონდარღვევაა, არც კი პასუხობდნენ.
კომენტარები