რუსეთის პრეზიდენტთან არსებული, “სამოქალაქო საზოგადოების განვითარების და ადამიანის უფლებების საბჭო”, აქვეყნებს განცხადებას და მოწოდებას სამხედრო მოქმედებების დაუყოვნებლივი შეწყვეტის შესახებ.
განცხადების ტექსტს ადამიანის უფლებათა საბჭოს ყოფილი წევრი, პოლიტოლოგი, ეკატერინა შულმანი, აქვეყნებს.
“ვითარებას, როცა რუსეთის არმია საომარ მოქმედებებს აწარმოებს მეზობელ ქვეყანაში, მძიმე შედეგები მოაქვს, მათ შორის ადამიანის უფლებების რეალიზაციისთვისაც. უკვე დაიღუპა სულ მცირე, ასობით რუსი და უკრაინელი მოქალაქე… უკანასკნელმა მოვლენებმა საფრთხის ქვეშ დააყენა მოქალაქისა და ადამიანის ბევრი სოციალური და პირადი უფლების განხორციელება. უკანასკნელმა კვირამ აჩვენა, რომ არმიის გამოყენების ფასი არსებული პრობლემების გადასაჭრელად, ძალიან მაღალია. უკრაინის ტერიტორიაზე მიმდინარე საომარი მოქმედებები უნდა შეჩერდეს, რაც შეიძლება მალე, და ორ ქვეყანას შორის ყველა წინააღმდეგობის გადაწყვეტა მოლაპარაკებების ჩარჩოებში უნდა გადავიდეს. სიტყვის თავისუფლება და სხვა ძირითადი თავისუფლებები დამატებით შეზღუდვებს არ უნდა ექვემდებარებოდეს”, და უკვე მიღებული შემზღუდველი ზომები, როგორიცაა მაგალითად, კანონი სისხლის სამართლის სასჯელის შესახებ არმიაზე “ფეიკების” გამო, უნდა გადაიხედოს.” – წერია განცხადებაში.
წერილს ხელი მოაწერა ადამიანის უფლებათა საბჭოს 13 წევრმა, მათ შორის ალექსანდრ ასმოლოვმა, იგორ კალიაპინმა, ნიკოლაი სვანიძემ, ალექსანდრ სოკუროვმა და სხვებმა.
შეგახსენებთ, განცხადების ერთ-ერთი ხელმომწერი ალექსანდრ საკუროვი ცნობილი კინორეჟისორია.
კომენტარები