ჩრდილოატლანტიკური ალიანსის გენერალურმა მდივანმა იენს სტოლტენბერგმა ბრიუსელში ჟურნალისტებს განუცხადა, რომ რუსულ ძალებს უკან არ დაუხევიათ, ისინი ძალების გადაჯგუფებას ახდენენ.
„რუსეთი ცდილობს გადაჯგუფდეს, განაახლოს და გააძლიეროს შეტევა დონბასის რეგიონში აღმოსავლეთ უკრაინაში“,- აღნიშნა სტოლტენბერგმა და დასძინა, რომ რუსეთი აგრძელებს ზეწოლას უკრაინის სხვა ქალაქებზე. მისივე თქმით, ნატო „შეტევითი მოქმედებების“ მოლოდინშია.
ცნობისთვის, 29 მარტს თურქეთის ქალაქ სტამბოლში თურქული მხარის ჩართულობით გამართულ რუსეთ-უკრაინის დელეგაციების მორიგ შეხვედრაზე რუსულმა მხარემ განაცხადა, რომ რუსეთი უკრაინის გარკვეულ ნაწილებში საბრძოლო აქტივობებს შეანელებს.
კომენტარები