რუსეთთან მოლაპარაკებები არ იქნება და ის აუცილებლად იზოლირებული აღმოჩნდება, – ამის შესახებ უკრაინის პრეზიდენტის აპარატის უფროსმა, ანდრეი ერმაკმა განაცხადა.
მისი თქმით, „ბინძური რუსული შანტაჟი ძალიან პრიმიტიულად გამოიყურება”.
“ბინძური მანიპულაციები ზაპოროჟიეს ატომურ ელექტროსადგურთან, კახოვკის ჰიდროელექტროსადგურთან დაკავშირებული ბინძური დაშინება, ბინძური ტერორისტული თავდასხმა უკრაინელ სამხედრო ტყვეებზე ოლენივკაში, ასევე ბინძური ომი მშვიდობიან მოსახლეობასთან და ტერორი ბრძოლის ველზე მარცხის შემდეგ, ბინძური სახელმწიფო, სახელად რუსეთი“, – განაცხადა ერმაკმა.
მისი თქმით, დიდი ხანია რუსეთის არავის ეშინია, რადგან ისინი სუსტი, მხდალები არიან და ოცნებობენ მოლაპარაკებებზე, რათა შეაჩერონ თავიანთი კოლაფსი.
“ამას მთელი მსოფლიო ხედავს. მოლაპარაკებები არ იქნება და ყველაფერი ბინძური რუსეთთან ერთად იზოლირებული დარჩება, რომელშიც ის აუცილებლად აღმოჩნდება”, – აღნიშნა პრეზიდენტის ადმინისტრაციის ხელმძღვანელმა.
შეგახსენებთ, რუსეთის თავდაცვის მინისტრმა აშშ-ის, გაერთიანებული სამეფოს, საფრანგეთისა და თურქეთის თავდაცვის მინისტრებთან სატელეფონო საუბარში განაცხადა, რომ უკრაინა „ბინძური ბომბის“ საკუთარ ტერიტორიაზე გამოყენებით პროვოკაციას გეგმავს. უკრაინის პრეზიდენტის, ვოლოდიმირ ზელენსკის შეფასებით, სერგეი შოიგუს ეს განცხადება მიანიშნებს იმაზე, რომ რუსეთმა უკვე მოამზადა ყველაფერი, ამიტომ მსოფლიომ რაც შეიძლება მკაცრად უნდა უპასუხოს.
კომენტარები