რუსეთმა რვა ბერძენი დიპლომატი პერსონა ნონ გრატად გამოაცხადა და მათ ქვეყნის დასატოვებლად რვა დღე მისცა. ინფორმაციას ამაზე რუსეთის საგარეო საქმეთა სამინისტრო ავრცელებს.
საგარეო საქმეთა სამინისტრო გაწვევის მიზეზად ასახელებს, “რუსეთის მიმართ საბერძნეთის ხელისუფლების კონფრონტაციული კურსს, მათ შორის კიევის რეჟიმისთვის იარაღისა და სამხედრო აღჭურვილობის მიწოდებას”. უწყებამ, ასევე, დამატებით განმარტა, რომ დიპლომატების გაძევება საპასუხო მოქმედებაა საბერძნეთის მხრიდან რუსი დიპლომატების პერსონა ნონ გრატად გამოცხადებაზე.
საბერძნეთი ევროკავშირის მიერ რუსეთის წინააღმდეგ დაწესებულ სანქციებს შეუერთდა. ამასთანავე, გუშინ, 27 ივნისს ცნობილი გახდა, რომ რუსეთის მოქალაქეები ვიზაზე განაცხადის შეტანას ვეღარ შეძლებენ.
კომენტარები