რუსეთმა აღიარა, რომ ომში ახალწვეულები გაგზავნა – დეტალები

რუსეთის თავდაცვის სამინისტრომ პირველად დაადასტურა უკრაინაში მიმდინარე საბრძოლო მოქმედებებში ახალწვეულების მონაწილეობა. სამინისტროს პრესსპიკერმა იგორ კონაშენკოვმა 9 მარტს განაცხადა, რომ „ზოგიერთი ახალწვეული“ ტყვედ აიყვანა უკრაინის შეიარაღებულმა ძალებმა და დასძინა, რომ ამჟამად „თითქმის ყველა ახალწვეული“ გაიწვიეს უკრაინის ტერიტორიიდან.

პრეზიდენტი ვლადიმირ პუტინი, დაბეჯითებით აცხადებდნენ, რომ უკრაინაში შეჭრაში არ მონაწილეობენ ახალწვეულები და აღნიშნავდნენ, რომ იქ მხოლოდ დაქირავებული ჯარისკაცები იბრძვიან. მეტიც, იგი სარვამარტო ღონისძიებაზე რუს დედებს პირდებოდა, რომ ახალწვეულებს ომში არ გაუშვებს.

უკრაინამ ინტერნეტში გამოაქვეყნა მრავალი ვიდეო, რომლებშიც ჩანს ტყვედ აყვანილი რუსეთის ჯარისკაცები, რომელთაგან ბევრი 18-20 წლის ახალწვეულია, როგორც ჩანს, სწორედ ამიტომ გახდა რუსეთი იძულებული, ეღიარებია ახალწვეულების გაგზავნა ომში.

ვლადიმერ პუტინი აცხადებს, რომ წვევამდელებსა და რეზერვისტებს საბრძოლველად არ გაიწვევენ