ნაციონალური მოძრაობის წევრი, რომან გოცირიძე წერს:
“რუსეთი, პირველად 1918 წლის შემდეგ, აღმოჩნდა დეფოლტის მდგომარეობაში, ანუ ვერ იხდის ვალებს. ეს უნიკალური შემთხვევაა, რადგან ვალებს იმიტომ კი ვერ იხდის, რომ ფული არა აქვს, არამედ იმიტომ, რომ ვერ ახერხებს ამ ფულის მიტანას მევალეებამდე საერთაშორისო სანქციების გამო( ე. წ. ტექნიკური დეფოლტი). ეს იმდენად ახალი და უცნაური მოვლენაა, რომ ძნელი სათქმელია, თუ როგორ წარიმართება მოვლენები. მაგალითად, რუსეთი ყველას სთავაზობს, რომ ვალი გაუსტუმროს რუსულ რუბლებში. ბევრი, ალბათ აბსოლუტური უმრავლესობა, ამაზე უარს იტყვის. ბევრი დაიწყებს სასამართლო დავებს, რასაც მოჰყვება თანმდევი პროცედურები, რადგან, როცა ვალს ვერ ისტუმრებ, არა აქვს მნიშვნელობა, თუ რა მიზეზით ხდება ეს, ანუ რუსეთისათვის გამამართლებელი ვერ იქნება ის ფაქტი, რომ ე.წ. ტექნიკური მიზეზების გამო არღვევს ვალდებულებებს.
დაველოდოთ, როგორ განვითარდება პროცესი.
რუსეთი კიდევ მრავალი წელი იქნება უცნაური მოვლენების ეპიცენტრში.”
კომენტარები