ლევან ხაბეიშვილი სასამართლო სხდომაზე 4 ოქტომბერზე საუბრობს და განმარტავს, თუ რას ნიშნავს მისთვის “მშვიდობიანი დამხობა” და რა მიზანი ჰქონდათ აქციის ორგანიზატორებს.
თურმე აქციას პროაქტიულად ვუჭერდი მხარს, ამოიღო სიტყვა დამხობა და ბრალი წამიყენა… მე თუ ვიტყოდი, რომ მე არ მომწონს ეს კონსტიტუციური წყობილება, ეს კონსტიტუციური წყობილება არის შესაცვლელი, ხალხო შევიარაღდეთ. კი ბატონო, ეს იქნებოდა დამხობის მცდელობა, მაგრამ როცა საუბარია აქციის სახელმწოდებაზე – “ივანიშვილის მშვიდობიანი დამხობა” და პოლიტიკოსებს გვჩვევია, როცა ვირუსულად გვინდა რამის გაგრძელება, ვიფიქრებთ სლოგანებს.
როცა ვამბობთ ცეცხლი ოლიგარქიას, ეს ხომ არ ნიშნავს, რომ ცეცხლი უნდა მივუნთოთ და დავწვათ
როცა ვამბობთ, რომ სისტემა უნდა დაინგრეს, თქვენ გგონია პერფერატორით ხომ არ უნდა მივადგეთ და დავანგრიოთ სისტემა? ცხადია არა” – აცხადებს ხაბეიშვილი.
ცნობისთვის, ლევან ხაბეიშვილს ბრალი 2 მუხლით აქვს წარდგენილი. ოპოზიციონერ ლიდერის 339-ე მუხლის მეორე ნაწილს ედავებიან, რაც მოხელისთვის ქრთამის დაპირებას გულისხმობს. მას ასევე ბრალი წარედგინა სისხლის სამართლის კოდექსის 317 მუხლით, რაც პროკურატურის მტკიცებით, საქვეყნოდ ხელისუფლებოს დამხობაზე მოწოდებას გულისხმობს.
სახელმწიფო უსაფრთხოების სამსახური დადგენილებაში წერს, რომ ლევან ხაბეიშვილს პაემნის, მიმოწერისა და სატელეფონო საუბრის უფლება ეკრძალება.
ლევან ხაბეიშვილის განცხადების აუდიო ჩანაწერი ტელეგრამზე ვრცელდება.
მოსამართლე ნანა შამათავამ, დღეს, ენმ-ს პოლიტსაბჭოს თავმჯდომარე, ლევან ხაბეიშვილი პატიმრობაში დატოვა
კომენტარები