როგორ იმართლებს სკოლა თავს, სადაც სავარაუდოდ მოსწავლეს გაუპატიურებით დაემუქრნენ? – მძიმე ამბის გახმაურების შემდეგ, “პირველები” ზუგდიდის ერთ-ერთ საჯარო სკოლაში იმყოფებოდა, სადაც წყაროს მიერ მოწოდებულ ინფორმაციით, შშმ მოსწავლეზე ტანატოლებმა ფიზიკურად იძალადეს და დაემუქრნენ.
შინაგან საქმეთა სამინისტროს ცნობით, საქმეზე გამოძიება სისხლის სამართლის კოდექსის ორი – 126-ე ძალადობის და 150-ე იძულების მუხლებით დაიწყო.
სანდო წყარო “ტვ პირველს” ეუბნება, რომ მეცხრე კლასის მოსწავლის მიმართ მუქარა და ძალადობა სკოლის დამხმარე შენობა-ნაგებობაში განხორციელდა. ამავე ინფორმაციის თანახმად, დაზარალებულს ღირსების შემლახველი ვიდეოც გადაუღეს. ამბავი მას შემდეგ გახმაურდა, რაც მოზარდმა მომხდარის შესახებ მშობლებს უამბო, მოსწავლის ოჯახმა კი სკოლის დირექციას მიმართა. თავის მხრივ სკოლა შინაგან საქმეთა სამინისტროს დაუკავშირდა. საქმეს ზუგდიდის რაიონული სამმართველო იძიებს.
სკოლის დირექტირი “ტვ პირველს” ეუბნებია, რომ შესაძლო ძალადობის ფაქტი საგაკვეთილო პროცესის დროს არ მომხდარა.
საგაკვეთილო პროცესი არ იყო. ეს იყო შესვენების პერიოდი. არ ხდებოდა [სავარაუდო ძალადობის ფაქტი] დამხმარე შენობაში. იცით, ბულინგი ზოგადი პრობლემაა, მარტო ჩვენი სკოლის კი არა, ზოგადი პრობლემაა. ახლა ამას ვერავინ გამორიცხავს, რომ ამ ან სხვა სკოლაში ბულინგი არ არსებობს. თუ დადგინდა დანაშაული დაისჯება დამნაშავე. შინაგან საქმეთა სამინისტროს მანდატურის სამსახურმა მიმართა. იქნება დისციპლინური კომიტეტი და განიხილავენ ამ საკითხს. დაახლოებით ასეა [სამი მოსწავლე ფიგრირებს]”- აცხადებს სკოლის დირექტორი.
ფაქტის შესახებ იცის ზუგდიდის რესურსცენტრის ხელმძღვანელმაც – მამუკა ბულია აღნიშნავს, რომ მისი ინფორმაციით ფაქტი სკოლის ტერიტორიაზე მოხდა.
კომენტარები