“რაც უნდათ ის დაარქვან, ხალხო, პირდაპირ გეუბნებით, ვაპირებთ მოპარული არჩევნების უკან დაბრუნებას” – ნიკა მელია

ბათუმში, ოპოზიციის გამართულ აქციაზე სიტყვით გამოდის ნიკა მელია:

“კიდევ ერთი კითხვა, რომელსაც ვისმენთ: – კოალიციური ერთობა გრძელდება?

დიახაც, არათუ გრძელდება, არამედ გაფართოვდება, კოალიციური ერთობა არ იყო ჩვენი წინასაარჩევნო სვლა, ჩვენი და ჩემი რწმენაა, რომ ამ ქვეყანას მომავალში უნდა ჰყავდეს კოალიციური მმართველობა და ესაა შესაძლებლობა, ქვეყანამ ერთხელ და სამუდამოდ უარი უთხრათ საბჭოურ წარსულს.

კიდევ ერთი შეკითხვაა – რას აპირებთ?

მოვა დღე როდესაც მთელი თავისუფლების მოედანი და რუსთაველის გამზირი აივსება ხალხით და მერე რას აპირებთ? – რას ვაპირებთ და არაძალადობრივი გზით, მშვიდობიანად, ვაპირებთ მოპარული არჩევნების უკან დაბრუნებას – ამას ვაპირებთ, რაც არ უნდა ინტერპრეტაციები მისცეს ივანიშვილმა.

ვინც რა უნდა თქვას, რომ აი, ეს არის რევოლუცია, რაც უნდათ ის დაარქვან, ხალხო, პირდაპირ გეუბნებით, ჩვენი თანამებრძოლები არიან დღეს დაკავებულები, ზოგს იარაღი ჩაუდეს, ზოგს – ხელყუმბარა, ზოგი შიმშილობს, მოქმედმა პოლიციელებმა დატოვეს თანამდებობა – ამ ადამიანებისთვის ბრძოლას ვაპირებთ, ხალხო!

რა არის გამოსავალი, ხალხო, როცა უკნიდან გეპარებიან და მერე ეს ადამიანი დაკავებულიც არ არის? მივდივართ ყველანი საპროტესტო აქციაზე, უკან დახევა არ იქნება – ვერავინ ვერ დაგვაკომპლექსებს. რუსთავის ციხესთან იმართება აქცია, პირველ რიგში იგეგმება სააკაშვილის გადაყვანა სამოქალაქო კლინიკაში, მეორე იქნება ყველა პოლიტპატიმრის გათავისუფლება. ბათუმში პირველებმა შეკარით კოალიციური მმართველობა, ეს ერთობა შესანარჩუნებელია, ერთმანეთს გავუფრთხილდებით. ახლა ძალიან მნიშვნელოვანია – ყველგან, სადაც ცხადად მოგვპარეს არჩევნები – სანამ თბილისში შევიკრიბებით, მანამდე ბათუმმა, ქუთაისმა, ზუგდიდმა უნდა გამოხატოს პროტესტი.

საშინელებებს კადრულობენ – ფული – ფულად, დაშინება – დაშინებად, ძალადობა – ძალადობად და ამის მიუხედავად, ვერ მოიგეს არჩევნები! სიცოცხლის უკანასკნელ ამოსუნთქვამდე ვიბრძოლებ! მირჩევნია საერთოდ არ ვიცოცხლო თავი, ვიდრე ამ უნამუსობას ვუყურო. ივანიშვილო, ეს არის ქართველი ხალხის დაკვეთა, ჩვენ თქვენთან შემოვიდეთ ძალიან მჭიდრო დაპირისპირებაში, მშვიდობიანად, ხელაწეული, თქვენ ხართ დიქტატორი… ამას ვეღარ გააგრძელებთ. სიურპრიზებსაც მოგიმზადებთ..

რატომ ვწელავდით ამ დროს, იცით? მთელი მსოფლიოს თვალში გვინდა ვჩანდეთ ისეთები, როგორებიც ვართ, ყველა რესურსი გვინდა ამოვწუროთ. ყველა პარტნიორს ვკითხოთ, რას გვირჩევ, ჩვენო მეგობარო, რა გზა დაგვრჩენია?”

ნიკა მელიამ ისაუბრა სამართლებრივ გზებზეც, ოქმების გადათვლაზეც და თქვა, რომ ეს გზაც აუცილებელია, თუნდაც იმიტომ, რომ საერთაშორისო პარტნიორებს აჩვენონ როგორ ჩატარდა არჩევნები.