კლინიკებს ამოეწურათ საშეღავათო პერიოდი, რაც იმას ნიშნავს, რომ მათ უნდა მოახდინონ ახალ კანონზე გადაწყობა. პრაქტიკულად ყველა კლინიკას უნდა ჰქონდეს ტომოგრაფიის აპარატი (მინიმუმ 150 ათასი დოლარი), პროფილურ კლინიკებს უნდა ჰქონდეთ მინიმუმ ორი დანადგარი იმ პროფილურისა, რომელზეც მუშაობენ, რაც სერიოზულ ხარჯებთან არის დაკავშირებული.
კლინიკების ხელმძღვანელებმა ჯანდაცვის მინისტრს უკვე გაუგზავნეს თხოვნა, რომ ეს ყველაფერი ერთი წლით გადავადდეს და უარი მიიღეს.
ახლა, როცა პანდემია რეალურად გადავაგორეთ და გადავაგორეთ სწორედ კლინიკების მუშაობის ხარჯზე, ირკვევა, რომ ამდენი საავადმყოფო საჭირო არ არის და მათი დიდი ნაწილის დახურვა იგეგმება. დახურვა იმიტომ, რომ არსებულ პირობებში ისინი ვერ მოახერხებენ გადაიარაღებას, შესაბამისად, მოთხოვნების შესრულებას და დაიხურებიან.
ჩვენი ინფორმაციით, ეს ყველაფერი იმიტომ ხდება, რომ შემოდგომაზე, საქართველოში ახალი მოთამაშე შემოვა და ჯანდაცვის სფეროში კლინიკების ყველაზე დიდი ქსელი გაკეთდება. ამ პროექტის უკან, ებრაელი და რუსი ბიზნესმენები დგანან და ისინი სწორედ გაჩერებული კლინიკების ბაზაზე აპირებენ ახალი ქსელის ამუშავებას. როგორც გვეუბნებიან, ეს ყველაფერი რუსეთში, ბიძინა ივანიშვილის მფლობელობაში არსებულ ფარმაცევტულ კომპანიებთან მჭიდრო კავშირშია, თუმცა თავად ივანიშვილი აცხადებს, რომ რუსეთში მას ბიზნესი უბრალოდ აღარ აქვს.
ანი დვალიშვილი
ალია №18
კომენტარები