ფოტო – ტვ პირველი
“ენმ”-ს თავმჯდომარე, ნიკა მელია:
როცა არ მუშაობს კანონისმიერი მოთხოვნები, როცა ოპოზიციონერ დეპუტატებს ექცევიან ისე, როგორც ექცევიან, ნუ მოვერიდებით, მაშინ ქუჩა მოდის მთელი თავისი სიძლიერით, სიმძლავრით მოქმედებაში.
მიხეილ სააკაშვილის გათავისუფლებისთვის თვითოეული ჩვენგანი იბრძოლებს ბოლომდე და ამის პარალელურად გვექნება კონკრეტული გეგმა, ოპოზიციური პარტიების მიერ დამუშავებული, რომელიც აუცილებლად დაუკავშირდება ვადამდელ არჩევნებს.
,,ენმ”-ს წევრი, ეკა ხერხეულიძე:
სააკაშვილის გათავისუფლების სამოქალაქო კომიტეტის შექმნა იმიტომ გადაწყდა, რომ სხვა ოპოზიციურ პარტიებს, გარდა ,,ნაცმოძრაობისა” არ შეექმნათ დისკომფორტი, რათა მათ არა საქართველოს მესამე პრეზიდენტის გასათავისუფლებლად, არამედ ვადამდელი არჩევნების დასანიშნად იბრძოლონ.
ეს პლატფორმა, რა თქმა უნდა, იქნება დამოუკიდებელი და იმაზე იქნება ორინტირებული, რომ კონკრეტულად სააკაშვილის გათავისუფლებაზე იმუშავოს. ის იქნება კოორდინაციაში ოპოზიციურ პარტიებთან სხვა პოლიტიკურ საკითხებზე, მაგრამ თუ სააკაშვილის გათავისუფლება მათთვის ხელის შემშლელი საკითხი იქნება, ამ შესაძლებლობით ისინი პასუხისმგებლობისგან გათავისუფლდებიან.
ვინ იქნება გაერთიანებული კომიტეტში, ჯერჯერობით უცნობია.
წყარო – ტვ პირველი
კომენტარები