მწერალი, ალეკო შუღლაძე:
პარლამენტის სხდომას მშვიდად ვერ უყურებ ადამიანი. მშვიდად კი არა, ნერვები დაგაწყდება, ისეთ სიცრუეს დაინახავ. „ოცნება“ პოლარულად ატრიალებს თავის ნამდვილ ჩანაფიქრს, აბსოლუტურად შეტრიალებულად ლაპარაკობს.მაგალითად, ისინი იღებენ კანონს, რომელსაც უწონებს რუსეთი და არ უწონებს ევროპა. მაგრამ გამოსვლისას, თავის მოღალატეობას სხვას აბრალებენ: ამბობენ, რომ ეს კანონი ევროპაში შეგვიყვანს და გარეთ ხალხი რომ დგას ისინი არიან რუსეთის მომხრეები. მაგალითად, ყაველაშვილი ამბობს, რომ გარეთ დგანან მხოლოდ ნაციონალები. გარეთ ამ წუთას შეიძლება არ იდგეს საერთოდ ნაციონალი, ანდა ერთი-ორი. გარეთ დგას ის ხალხი, რომელიც იმ ძველი ნაციონალური მოძრაობის წინააღმდეგია და წინა 9 წელს აძაგებს. მაგრამ ეს ტიპი ამბობს, რომ გარეთ ყველა ნაციონალია. ანუ მოცემულ ჭეშმარიტებას ატრიალებენ უკუღმა.ამის მოსმენა ძალიან რთულია. მხოლოდ ზღაპრებში ანდა ფენტეზიშია აბსოლუტურად მატყუარა ხალხი. ნაწარმოებებში ამას ვხედავთ და ასე არ განვიცდით, რადგან გვჯერა, რომ სიკეთის კანონის გათვალისწინებით, ის დაისჯება. საქართველოში სხვანაირად დაუჯერებლად არის საქმე, მე მიჭირს გავითავისო, რომ ადამიანმა ასე გამართულად, დამაჯერებლად, საოცარი ენთუზიაზმით იცრუოს ხანგრძლივად, დაუსრულებლად. მე ოპოზიციის მხრიდანაც ვხედავ ძველ მატყუარებს, მაგრამ ახლა მათ სწორი პოზიცია უკავიათ (და არ ვიცი, ეს ტყუილია თუ მართალი), და ეს ამ მოცემულობაში კარგია.
მე ალბათ ვერასოდეს დავწერ ისეთ რომანს, სადაც მეორე მხარე იქნება იდეალურად აფერისტი. ყველა მწერალი შეეცდება, რაღაც კარგი დაინახოს ბოროტებაშიც კი. ასეთი ცალსახა სიბნელე ვერ გამოგვივა, შეუძლებელია ასეთი დიალოგების გამართვა. წერისას დავეჭვდები, ვიტყვი, რომ არაბუნებრივია ასეთი ტყუილები, ეს არაფერში ჯდება, მაქსიმალურად გაუმართავი და იმდენად კოშმარულია, რომ არ ღირს ამის დაწერა, არავინ დამიჯერებს.
როდის იბადებიან ასეთი ადამიანები, როდის ტრანსფორმირდებიან ასე უგვანოდ? რატომ არის ასეთი საშინელი პროცენტი 83 -იდან 83 მატყუარა? რა უნდა მოვიმოქმედოთ, რომ მომავალ პარლამენტში მსგავსს კატასტროფასთან არ გვქონდეს საქმე? როგორ შეიძლება მათი სახეების გადმოცემა შეურბილებლად, მთელი სიმძაფრით?
კომენტარები