„ნაციონალურ მოძრაობის“ წევრი ეკა ხერხეულიძე აცხადებს, მიხეილ სააკაშვილმა მე-18 დაწესებულების ადმინისტრაციას მოსთხოვა, რომ ნიკა გვარამია და უკრაინის კონსული მივიდნენ დაწესებულებაში, რათა მათთან შეთანხმებით მოხდეს მისი გადაყვანა.
„ნიკა გზაშია, უკრაინის კონსულზე ვერაფერს გეტყვით, შეტყობინებას გადასცემდნენ, იმედია, მალე მოვლენ და ჩვენი შეხვედრის შემდეგ მოხდება შეთანხმება იმაზე, რომ მივიღოთ ოპტიმალური გადაწყვეტილება, რომ ადამიანმა დროზე შეწყვიტოს შიმშილობა.
მოგეხსენებათ, ჩემი აქ მოსვლის მიზეზი იყო მიხეილ სააკაშვილის მონახულება მაქვს საშვი, მაქვს პისიარ ტესტი, რაც აუცილებელია იმისთვის, რომ აქ შევიდე. ჩემი მხრიდან არანაირი ბარიერი არ არსებობს, რომ დამაყოვნონ. მთავარი მცდელობა ჩემი დღეს შესვლის იყო შემდეგი, იცით, მიხეილ სააკაშვილის პოზიცია, რომელიც აქამდე არაერთგზის გავავრცელე. მას შემდეგ, რაც ერთი დაწესებულებიდან მეორეში გადაყვანის დროს მას მოატყუეს და გაიტაცეს რუსთავიდან, გადმოიყვანეს გლდანში, უკვე არსებობს დიდი უნდობლობა, რის საფუძველზეც მხოლოდ და მხოლოდ ექიმების, ადმინისტრაციის შეთავაზებით, ვერ მოახერხებს გადაწყვეტილების მიღებას.
მისი მოთხოვნა გახლავთ შემდეგი, თუკი ასეთი ფაქტის წინაშე დავდგებით, თუ შესაცვლელი გახდება ლოკაცია, მას უნდა ესწრებოდეს მისი პირადი ადვოკატები, პირადი ექიმი, ან ჩვენგან წარმომადგენელი. მე ვარ აქ მოსული, რათა დღევანდელი შეთავაზება, რაც ხელისუფლებისგან მოვისმინეთ, საერთოდ უმნიშვნელოა, როგორი პოზიცია მაქვს მე ამასთან დაკავშირებით, ჩემთვის მნიშვნელოვანია, მან დაუყოვნებლივ მიიღოს შიმშილობის შეწყვეტის გადაწყვეტილება, რა გარემოებაც შეუწყობს ამას ხელს, შევეცდები ჩემი პოზიცია გავუზიარო და დავარწმუნო ამაში. ეს ადამიანი იბრძვის, უკვე 50-ე დღეა უთანასწორო ბრძოლაში და მისი ბრძოლა იმსახურებს იმას, რომ მისი პოზიცია ვიცოდეთ ამასთან დაკავშირებით“
იუსტიციის სამინისტრო სააკაშვილს გორის სამხედრო ჰოსპიტალში გადაყვანას სთავაზობს.
კომენტარები