“რაღაცა პერიოდი, სააკაშვილს მოუწევს ციხეში ყოფნა, ეს რეჟიმი სანამ იქნება და ან სანამ არ დასუსტდება…” – გიგი უგულავა

პოლიტიკოსი, გიგი უგულავა, გადაცემა “რეაქციაში”, ინგა გრიგოლიასთან მიმდინარე პოლიტიკურ მოვლენებზე საუბრობს.

ინგა გრიგოლია:

-სააკაშვილი ციხეში შევიდა თუ არა, ოპოზიციამ დაკარგა სავალი გზა… ჩარჩა მიშა ციხეში? ოპოზიციას არა აქვს თავი, რომ იბრძოლოს პარტიის გამოსაყვანად? გაქვს ეს განცდა? შევიდა მიშა ციხეში და მისი პარტია გაჩერდა… სად არიან პოლიტიკოსები?

გიგი უგულავა:

-არ მაქვს ეს განცდა, სააკაშვილმა შეგნებული ნაბიჯი გადადგა და შევიდა ციხეში. თავის დროზე მეც გადავდგი ეს ნაბიჯი. მოითხოვო, ოპოზიციამ უნდა გამოიყვანოსო… სააკაშვილი როდის დააკავეს? აქტიური პოლიტიკური პროცესები გაჩერდა, როცა სააკაშვილი კლინიკაში გადაიყვანეს, ხო? იანვარში გამოხვალ ქუჩაში და იქნები იდიოტი, პირდაპირ გეუბნები, მომხრე როგორ არის, იცი? არ უნდა დაღალო, უნდა გაიყვანო მაშინ, როდესაც ამას აქვს დამატებითი ღირებულება. იანვარში არაფერი არ მომხდარა, რევოლუციის გარდა.

რაღაცა პერიოდი, სამწუხაროდ, სააკაშვილს მოუწევს ციხეში ყოფნა, იმიტომ რომ, ეს რეჟიმი სანამ იქნება და ან სანამ ისე არ დასუსტდება, რომ იძულებული გახდეს, მანამდე მოუწევს… მეტსაც გეტყვით, ივანიშვილს სანამ ძალაუფლება ექნება, იგივეს იზამს და ამის ოპოზიციაზე გადაბრალება არის უსინდისობა და მეტი არაფერი. მიგყავს იქამდე, მელია რატომ არ შეასკდა ციხის კედელს, მართლა უსინდისობაა. კითხვა რომელიც ასე ისმევა, რატომ არ შეასკდა მელია თავით ციხის კედელს, ეს არის უსინდისო კითხვა, რომელიც კულტივირებულია სუსის და ქართული ოცნების მიერ.

ინგა გრიგოლია:

-რატომ გაბრაზდით? წარმოუდგენელია, ასე გაგაბრაზოს კითხვამ, რომელიც გაჩერებულ პოლიტიკურ პროცესს ეხება. გამაოგნებელია. როცა მე ვლაპარაკონ გაყინულ პოლიტიკურ პროცესზე, მიშასთან ციხეში შევარდნა არ დგას ჩემი კითხვის მიღმა, სააკაშვილი რომ ოპოზიციაში იყო, 2-2 ქვითარი რომ მოსვლოდათ ადამიანებს, რას იზამდა მიშა? დევნილი რომ გადმომხტარიყო და თავი მოეკლა, ამ დროს რას იზამდა ოპოზიციონერი მიშა? ტყე რომ მიეერთებინა შევრადნაძის დროს რომელიმე მაღალჩინოსანს, რას იზამდა გიგი უგულავა და მიშა სააკაშვილი? ამას გეკითხები და მპასუხობ, მიშასთან ციხეში უნდა შევარდნილიყო ნიკა მელიაო და საიდან დაასკვენი?

გიგი უგულავა:

-მიშა ციხეშია და თქვენ რას აკეთებთო… რანაირადაც უნდა შევფუთოთ, ეს რეალობა რეალობად დარჩება. სად არის ოპოზიცია და ქუჩაშია… ვიღაცა რაიონში დადის, ვიღაცა იმაში დადის… ეს ნარატივიო არის შექმნილი ქართული ოცნების მიერ და შექმნილი იყო იმისთვის, რომ ვიღაცას ციხის კარები შეემტვრია და დედა ტირებოდა.