ამ დროისთვის უკვე დადასტურებული კვლევებით, ერთ-ერთ ყველაზე სახიფათო ვარიანტად “დელტა” შტამი სახელდება, თუმცა, ბოლო პერიოდში მედიკოსების ყურადღება მიიპყრო კოვიდ-19-ის კიდევ ერთმა, “ლამბდა” შტამმა.
ვირუსის ეს ვარიანტი ჯერ კიდევ შარშან აღმოაჩინეს და ჯანდაცვის მსოფლიო ორგანიზაციამ მას “საყურადღებო შტამი“ უწოდა. თუმცა, ჯანმომ მხოლოდ ამა წილის ივნისში განაცხადა, რომ ეს ვარიანტი სწრაფად იწყებს გავრცელებას და მას მეტი ყურადღება უნდა დაეთმოს.
ჯანმოს ინფორმაციითვე “ლამბდა” ვარიანტი გავრცელებულია მსოფლიოს 29 ქვეყანაში, ყველაზე უფრო ხშირად ის გვხვდება სამხრეთ ამერიკის ქვეყნებში, პერუში გამოვლენილი კორონავირუსის შემთხვევების 81% კისწორედ აღნიშნულ შტამს უკავშირდება.
პერუს გარდა “ლამბდა“ ვარიანტი გამოვლენილია ქვეყნებში – ჩილე, არგენტინა, ეკვადორი, ბრაზილია, კოლუმბია, აშშ, კანადა, გერმანია, ესპანეთი, ისრაელი, საფრანგეთი, დიდი ბრიტანეთი და სხვ.
მეცნიერები სწავლობენ აღნიშნულ ვარიანტს და ადარებენ კორონავირუსის სხვა შტამებს, თუმცა, ჯანმოს წინასწარი მოკვლევის მიხედვით, შესაძლოა ეს ვარიანტი შეიცავდეს რამდენიმე მუტაციას, რის გამოც უფრო გადამდები იყოს და ადამიანის ორგანიზმი ნაკლებ იმუნურობას ავლენდეს მის მიმართ.
აღნიშნულ შტამში არსებულ “სპეციფიკურ მუტაციებს“ ექსპერტები “უჩვეულოს“ უწოდებენ. ჯანდაცვის მსოფლიო ორგანიზაციაში აცხადებენ, რომ “ლამბდა” შტამზე ზუსტი წარმოდგენის შესაქმნელად ჯერ კიდევ არაერთი კვლევაა ჩასატარებელი. გარდა ამისა, ამ დროისთვის მეცნიერები სწავლობენ ვაქცინების ეფექტიანობასაც აღნიშნული შტამის მიმართ.
წყარო: cnbc.com
კომენტარები