,, რა უნდა თბილისის პროკურორად ადამიანს, რომელიც პირდაპირ არის დამნაშავე ადამიანების უკანონო დაკავებაში?” – გიორგი გაბედავა

სამოქალაქო აქტივისტი, გიორგი გაბედავა თბილისის პროკურორს, გიორგი მიქაიას მიმართავს:

,,15 წელი არ ჩნდებოდა გიორგი მიქაია არსად 🙂
თუ გგონია გიორგი დაგვავიწყდა 2010 წელს ყველაფერს რომ კადრულობდი ჩვენს სასამართლო პროცესებზე, ძალიან ცდები.
შეგახსენებთ რომ 2010 წელს ჩვენ გვყავდა 32 ცრუ მოწმე პატრულის თანამშრომელი, ასევე თეო ხატიაშვილი და ალეკო ელისაშვილი ვინც ხელი დაგვადო სრულიად უდანაშაულო ხალხს.
ყველა მოწმის შემოსვლამდე გიორგი მიქაია გადიოდა და ეუბნებოდა რომელ ბრალდებულზე უნდა დაედო ხელი, რადგან 8 კაცი ვიყავით გვარებით ჰქონდათ ჩვენებებში ნახსენები მოწმეებს ბრალდებულები.
ეს რომ მივხვდით ერთ-ერთ გასვლაზე ადგილები შევცვალეთ ყველამ, ზუმბაძის ზედა ჩაიცვა შალამბერიძემ, შალამბერიძის კი ზუმბაძემ და ჰოი საოცრებავ, მოწმე ამტკიცებს რომ აი ეს ბრალდებულიო ზუმბაძეო ურტყამდაო აქუბარდიასო და მიუთითებს შალამბერიძეზე. მიქაია ადგილზე გაქვავდა, მაგრამ მიშას დროინდელი სასამართლო კი გვახსოვს, არაფერს არ ჰქონდა აზრი, მოსამართლე მილერი ხარებავამ პირდაპირ გვითხრა შესვენებაზე, დაიბრალეთ რასაც გედავებიან და საპროცესოთი გაგიშვებთო. რა უნდა დაგვებრალებინა, რაც არ ჩაგვიდენია…
საქართველოს პროკურატურა / The Prosecution Service of Georgia გამეცით პასუხი, რა უნდა თბილისის პროკურორად ადამიანს, რომელიც პირდაპირ არის დამნაშავე ადამიანების უკანონო დაკავებაში და ციხეში 5 წლით გაშვებაში, ეს ყველაფერი პარლამენტის 2012 წლის 5 დეკემბრის დადგენილებაშიც კი წერია სახელებით და გვარებით?!
ასევე მეორე პროკურორი დავით ხიზანაიძე, ისიც დაწინაურებულია.
ანუ აქ არ არის იმაზე საუბარი რომ ეს ადამიანები ცუდ მხარსს იდგნენ, ეს ადამიანები პირდაპირ ასრულებდნენ სააკაშვილის ბინძურ დავალებებს ძალიან დიდი ენთუზიაზმით და მონდომებით.
განსაკუთრებით გამოირჩეოდა გიორგი მიქაია, რომელიც ჩვენი ოჯახის წევრებს სისხლს უშრობდა პირდაპირი გაგებით!!!
უბრალოდ დანაშაულია ესეთი ხალხი რომ პროკურორად მუშაობს და მითუმეტეს ამხელა თანამდებობაზე!”