რა უნდა იცოდეთ, თუ კომენდანტის საათის დროს ლიფტში გაიჭედეთ?

როგორ უნდა მოვიქცეთ თუ საღამოს 21 საათის შედეგ ლიფტით მოგვიხდა მგზავრობა და გავიჭედეთ? თუ დახმარება დაგვჭირდა?

წესით, აქამდე ლიფტის შემკეთებელ კომპანიებს ვუკავშირდებოდით, მაგრამ როგორც აღმოჩნდა ისინიც 21 საათამდე მუშაობენ:

„ისე ვმუშაობთ, რომ 21 საათამდე სახლამდე მოვასწროთ მისვლა. ვცდილობთ საშვების მოპოვებას, რომ 24 საათაინ რეჟიმში მოვემსახუროთ ისევ მოსახლეობას, მაგრამ ამ ეტაპზე არ მოუციათ ჩვენთვის კომენდანტის საათების დროს მუშაობის უფლება და ვნახოთ. მანამდე კი, კომენდანტის საათის დროს, როგორც გვითხრეს, 112-ში უნდა დარეკონ მოქალაქეებმა და სამაშველო სამსახური დაეხმარებათ.

დავრეკეთ 144-შიც, მთავრობის მიერ შექმნილი ცხელი ხაზია, მოგეხსენებათ და კარანტინთან დაკავშირებით ყველა კითხვაზე რომ გაგვეცეს პასუხი, ამიტომ შეიქმნა:

-21 საათის შემდეგ ლიფტი რად გინდათ? სახლში უნდა დარჩეთ.

-დავუშვათ, ვინმეს რომ აფთიაქი დასჭირდეს, ან იმ ადამიანებისთვის, ვინც 24 საათიან რეჟიმში მუშაობს და საშვები აქვს, ექიმები, პატრულის თანამშრომლები, ჟურნალისტები, მეპურეები…

-დამელოდეთ, გავარკვევ…. უნდა დაუკავშირდეთ 112-ს და დაგეხმარებათ.

და რა თქმა უნდა, თუ საჭიროება არ მოითხოვს, დარჩით სახლში!