სამართალმცოდნე, კონსტიტუციონალისტი, ვახუშტი მენაბდე:
“ჭიათურა გაფიცულია, ათი მაღაროელი რამდენიმე დღეა შიმშილობს, მოლაპარაკებების შემდეგ ერთმა მათგანმა პირი ამოიკერა. რა უნდა იყოს ამაზე უფრო მნიშვნელოვანი პოლიტიკური საკითხი ქვეყანაში? მაგრამ პრიორიტეტები როგორც ხშირად ახლაც არეული აქვს ჩვენს ლიბერალურ ელიტას, რომელიც აკონტროლებს პარტიებს, პოლიტიკურ დღის წესრიგს, მთავარ მედიებს, ფინანსურ რესურსებს და ასე განსაჯეთ ქვეყნისთვის გამოყოფილი საერთაშორისო დახმარების დიდი ნაწილის განკარგვის საქმესაც კი.
ამიტომ ეს საკითხი მთავარი ამბავი ვერ გახდება ქვეყანაში;
ამიტომ გაფიცულები ცენტრიდან სოლიდარობის იმედად ვერ იქნებიან;
ამიტომ მათ მოუწევთ მარტო და სუსტი მემარცხენე მოძრაობების მხარდაჭერით დაუპირისპირდნენ სახელმწიფოს და დიდი კაპიტალის “კანონიერ” თუ უკანონო ინტერესებს;
ამიტომ უწევთ მოითხოვონ შვებულებითა და ბიულეტენით სარგებლობა;
ამიტომ დღეს გარკვეულ წარმატებასაც რომ მიაღწიონ, ხვალ ამ წარმატებას ცხვირში ამოგვადენენ;
ამიტომ ამ ქვეყანაში ღირსეული ცხოვრება შეუძლებელი იქნება მანამ, სანამ სიტყვა “სოციალურის” ხსენებასაც კი საბჭოთა ტერორის დაბრუნებად აფორმებენ ეს ელიტები და მათი მსახურები.
სოლიდარობა მაღაროელიებს “
კომენტარები