სოციალური ქსელის მომხმარებელი, ლალი ტუკვაძე, წერს:
“მოზარდმა მოკლა მამა და სარდაფში გადამალა..
მოზარდმა ნაჯახით დაჩეხა დედა და ბებია…
რა სჭირთ ჩვენს შვილებს, ხალხო? რამ დააგროვა მათ გულში ამდენი მძულვარება და სისასტიკე? ხომ არ დადგა დრო, გლობალურად შევისწავლოთ ეს პრობლემა და მოზარდებს სიყვარული და სიკეთე ჩავუნერგოთ ოჯახში, სკოლაში, უმაღლეს სასწავლებელში, სოციუმში..
ლამის ნორმად იქცა აგრესია…
ყველა ვცოდავთ. ვაგოთ პასუხი მოზარდების სულის დამახინჯებაზე. თავი დავანებოთ “იმპორტულ” დიდაქტიკას…
მივუბრუნდეთ მშობლიურ გურამიშვილს, ს.ს. ორბელიანს, გოგებაშვილს, ხალხურ სიბრძნეს…
პატარაობიდანვე მივაჩვიოთ პასუხისმგებლობას, ზრდილობას, უფროსის პატივისცემას, კანონმორჩილებას…
გადასახედია სასკოლო ცხოვრების სამართლებრივი ნორმები.
მობილური ტელეფონები ვერ გამოვგლიჯეთ ხელიდან ბავშვებს …გაკვეთილზე სხედან ყურსასმენებით და მუსიკას უსმენენ.
დიახ! ეს უკვე ნორმად იქცა, სამწუხაროდ. მივეცით გადამეტებული უფლებები და არ მოვთხოვეთ მოვალეობების შესრულება…
დავფიქრდეთ და ვიმოქმედოთ!
მომავალი გადავურჩინოთ ქვეყანას! “
კომენტარები