“ტრიბუნას” ლიდერი, დავით ჭიჭინაძე, “მთავარ არხთან” ამბობს:
“როგორი კოლონები მოემართება თბილისისკენ – ეს უკვე იმ პროტესტს ასახავს, რომელიც არჩევნების დროს ამ ქალაქებმა აჩვენეს. რომ იძახიან, მხოლოდ მხარდამჭერებით ატარებენ აქციასო, ეს არის მართლა სახალხო აქცია, ადამიანები საკუთარი ნებით ჩამოდიან გადიან ასობით კილომეტრს რომ დააფიქსირონ პროტესტი. ამ არჩევნებზე უნდა გადატყდეს… “ქართულმა ოცნებამ” სილა არაერთხელ მიიღო არჩევნებზე, ახლა უკვე შედეგი უნდა დაიდოს სილის გაწვნის.
2012-დან 2013 წლამდე პრეზიდენტი იყო სააკაშვილი და ხელსუფლებაში ოცნება იყო, იმპიჩმენტის დაწყებაზე და პრეზიდენტის გადაყენებაზე ხელს არავინ უშლიდა, თუ რამის დაწყება უნდოდათ. მაშინ მოდაში იყო კოჰაბიტაცია. ქართული ოცნება ამაყობდა იმით, რომ კოჰაბიტაცია, შენდობა და შერიგება იყო. დღეს ვინც ჰყავს ქართული ოცნების კანდიდატებად, ეს ადამიანი მაშინ იყვნენ ნაციონალური მოძრაობის წარმომადგენლები, და ამ ადამიანებს რა პრეტენზია გააჩნიათ სააკაშვილთან? მისი ერთგული მსახურები, მონები იყვნენ და ალბათ, ისეთი მონები, რომლებმაც ყველაზე მეტად დააზიანა ნაციონალური მოძრაობა.
“ოცნების” ახალგამოჩეკილი სახეები 2012 წელზე რომ ლაპარაკობენ, სად იყვნენ საერთოდ? გინდა კობახიძე, მდინარაძე, სად იყვნენ? ცოცხების აქციას რომ აწყობენ, სად იყვნენ 2012 წელს? მე ვფიქრობ, მეორე მხარეს იყვნენ და იმდენად დაბალი სტატუსი ჰქონდათ, რომ სატელევიზიო ინტერვიუების საშუალება არ ჰქონდათ და არ ჩანდნენ.
იმ განცხადებებით, რაც ღარიბაშვილმა გააკეთა, ყველაფერს ხაზი გადაუსვა საერთოდ.”