“2020NEWS”-ს საჩხერის რაიონის მაცხოვრებელი დაგვიკავშირდა: „სანიტრები, რომლებიც იქ მუშაობენ, სამსახურიდან წამოსვლასაც კი გეგმავენ, ისედაც დაბალ ხელფასზე გვამუშავებენ და თან გვკლავენო“, – აცხადებს მოქალაქე.
– მედპერსონალი სპეცტანსაცმლით შედის სასტუმროში?
– არა, რას ამბობთ? ჩვეულებრივი სამუშაო ფორმები აცვიათ, მხოლოდ სანიტრები შედიან, ალაგებენ და უშვებენ. ექიმები, როგორც ჩანს, ჩუმად შედიან. იქ არცერთ სანიტარს ექიმი არ უნახავს.
– ისინი ცალკე ნომერში იმყოფებიან? დავირუსებული არის ვინმე?
– არა, სხვებთან ერთად და არც გადაჰყავთ სააავადმყოფოში. პანიკის ეშინიათ, ალბათ. ისედაც თავიდანვე პანიკა იყო, აქ რომ ჩამოიყვანეს და სავადმყოფოში რომ გადაიყვანონ, ხალხი მიხვდება. ალბათ ეშინიათ, უარესი პანიკა არ მოჰყვეს ამ ამბავს. უარესი მოყვება კიდეც.
– მკურნალობას როგორ უტარებენ სასტუმროში?
– არანაირი მკურნალობა არ უტარდებათ. სანიტარი მიდის, სიცხეს უზომავს და მოდის. აქ არ გვყავს კარგი ექიმები. აქ ვერც უმკურნალებენ მაგ ვირუსს. აქაური ექიმები ფილტვების ანთებასაც ვერ გებულობენ და კორონავირუსს უმკურნალებენ?
საჩხერის კლინიკის დირექტორმა, მიხეილ ქამუშაძემ კატეგორიულად უარყო ჩვენს ხელთ არსებული ინფორმაცია.
– მათთან სანიტრებიც სამუშაო ტანსაცმლით შედიანო, მართალია?
– რა თქმა უნდა, როცა მიდიან სამუშაოდ, სამუშაო ტანსაცმლით შედიან, მაგრამ შესასვლელში, კარის ზღურბლზე მოწყობილია შესაბამისი სადეზინფექციო საშუალებები, თარო, სადაც განთავსებულია ბახილები, ხალათები, პირბადეები, სპეციალური ატრიბუტები, რაც აუცილებელია სადეზინფენქციო წესების დაცვისთვის.
– რამდენი სანიტარი მუშაობს?
– 24 სათით არის ერთი სანიტარი. კიდევ ორი სანიტარი ყოველ დღე მიდის. ისინი დილით მიდიან სასტუმროში და საღამოს სახლში ბრუნდებიან.
– ჩვენ ვიცით, რომ იქ მხოლოდ ერთი სანიტარია 24 საათის განმავლობაში და არავითარი 2 სანიტარი დამატებით იქ არ მუშაობს.
– კი, ერთი არის და ორნი არიან, რომლებიც სულ იქ არიან.
– აბა, ორი სანიტარი დილით მოდის და საღამოს ისევ სახლში მიდისო?
– არა, ერთი არის 24 საათით და ორი მხოლოდ ადის დილით და საღამოს მოდის, ასევე დამლაგებლები, რომლებიც დერეფნებს ალაგებენ.
– ექიმები საერთოდ არ შედიანო, მაგაზე რას გვეტყვით?
– რას ამბობთ, როგორ არა შედიან? ქალბატონი მაია ხელაძეა ჩვენი კლინიკური მენეჯერი და ის ხელმძღვანელობს პროცედურებს
– ბატონო მიშა, მოსახლეობა პანიკაშია. საკვების მარაგსაც კი აკეთებს…
– უსაფუძვლო პანიკაა. მე აქ ვარ ყოველდღე და არაფერი გამიგია. მეც გამიგია ბევრი ჭორი, მაგრამ არცერთია სიმართლე.
შეგახსენებთ, 21 თებერვალს ჩინეთიდან ევაკუირებული საქართველოს 34 მოქალაქე, მათ შორის 2 ბავშვი, საჩხერის სამედიცინო ცენტრთან არსებულ სასტუმროში მოათავსეს. ისინი ამ დრომდე ექიმების მეთვალყურეობის ქვეშ არიან.
2020news.ge
ესე იგი, საჩხერის კლინიკის დირექტორი ამბობს, რომ არც ერთი ადამიანისთვის, ვინც კარანტინშია, არ აუღიათ ანალიზი. ცუდი ძალიან.
სანიტარი კი, როცა ნომერში შედის, იქ იცმევს ბახილებს, ხალათს და პირბადეს იკეთებს და დავუშვათ ასეა, წამით, დავუშვათ, მერე გამოდის, იმ ფორმით, რომელ ფორმაზეც ხალათი ჰქონდა მოსხმული მხოლოდ, კლინიკაში მიდის პაციენტებთან? იმ კლინიკაში, სადაც წვანან მძიმე ავადმყოფები? ხოო… რა შეიძლება აქ თქვა.
აღჭურვილობის, ეპიკირების გარეშე შედიან ნომრებში? და ესაა კარანტინი?
ნომერში, შიგნით, იცვამენ ბახილებს, ხო, როგორ დამავიწყდა.
პ.ს. ჯერ კიდევ შარშან, ეს მიხეილ ქამუშაძე, კლინიკის ფინანსური დირექტორის რანგში იძლეოდა ინტერვიუებს, როდის მერე გახდა ვირუსზე საუბრისთვის კომპეტენტური, ჯერ ვერ დავადგინეთ!?
ალია
კომენტარები