ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი:
“მაშინ როდესაც საქართველომ დაამარცხა კოვიდი, ვაქცინაციაზე თითქმის უარი განაცხადა და პრაქტიკულად აღმოფხვრა კოვიდი ყოველდღიური ცხოვრებიდან, დანარჩენი მსოფლიო ჯიუტად ამტკიცებს რომ კოვიდი საშიშია და ჩვენს გვერდით არის.
იმ ფაქტებს შორის რასაც ეს ჯიუტი მსოფლიო აკვირდება არის კორონავირუსული დაავადების (COVID-19) გრძელვადიანი შედეგები ადამიანის ჯანმრთელობაზე.
ჰოდა ამ ჯიუტმა მეცნიერებმა გერმანიიდან, გერმანიის მოსახლეობის 45 პროცენტზე მეტის შესახებ ჯანდაცვის ყოვლისმომცველი მონაცემების გამოყენებით 2019 წლის იანვრიდან 2020 წლის დეკემბრამდე, გამოიკვლიეს პოსტ COVID-19 სიმპტომები ბავშვებში/მოზარდებში და ზრდასრულ ადამიანებში.
სულ 38 მილიონი ინდივიდიდან, მათ გამოჰყვეს ყველა პაციენტი, რომლებსაც ჰქონდა COVID-19-ის ლაბორატორიულად დადასტურებული დიაგნოზი 2020 წლის 30 ივნისამდე. საკონტროლო კოჰორტა გამოიყო ასაკის, სქესის და სამედიცინო მდგომარეობის ზუსტი შესატყვისობით კოეფიციენტით 1: 5.
COVID-19 და საკონტროლო კოჰორტას თვალყურს ადევნებდნენ ნებისმიერი დაავადების გამოვლენისას რომლებიც დოკუმენტირებული იყო COVID-19 დიაგნოზის თარიღიდან სულ მცირე სამი თვის შემდეგ. საერთო ჯამში, 96 წინასწარ განსაზღვრული შედეგი გაერთიანდა 13 დიაგნოზის/სიმპტომების კომპლექსში და სამ დომეინში (ფიზიკური ჯანმრთელობა, ფსიქიკური ჯანმრთელობა, ფიზიკური/ფსიქიური ჯანმრთელობის ერთობლივი სფერო).
საკვლევი პოპულაცია მოიცავდა 157,134 ინდივიდს (11,950 ბავშვი/მოზარდი და 145,184 ზრდასრული) დადასტურებული COVID-19-ით.
სპეციფიკურ შედეგებს შორის ყველაზე მაღალი IRR (Incidence Rate Ratio – ინციდენტის მაჩვენებელი) ბავშვებსა და მოზარდებში იყო სისუსტე/დაღლილობა/ (IR COVID-19 = 12.58, IR კონტროლი = 5.51), ხველა (IRR = 1.74, IR COVID-19 = 36.56, IR კონტროლი = 21.06) და ყელი/გულმკერდი ტკივილი (IRR = 1.72, IR COVID-19 = 20.01, IR კონტროლი = 11.66). მოზრდილებში ეს მოიცავდა დისგეუზიას (გემოს შეგრძნების დაკარგვა) (IRR = 6.69, IR COVID-19 = 12.42, IR კონტროლი = 1.86), ცხელება (IRR = 3.33, IR COVID-19=11.53, IR კონტროლი=3.46) და ქოშინი
ზოგადად კი სიტუაცია შემდეგნაირია – იხ.სურათი
მოკლედ ასეთი ამბები მსოფლიოში, და რა კარგია რომ საქართველომ ეს პრობლემები უკვე მოიშორა და ახლა თავისუფლად შეუძლია დატკბეს ცხოვრებით”
კომენტარები