“უკრაინის თავდაცვის ძალები რუსეთის ფედერაციის კურსკის ოლქში 100-ზე მეტ დასახლებას აკონტროლებენ“ – ამის შესახებ უკრაინის პრეზიდენტმა, ვოლოდიმირ ზელენსკიმ რამშტაინის ავიაბაზაზე განაცხადა, სადაც უკრაინის თავდაცვის საკითხებზე საკონტაქტო ჯგუფის შეხვედრა მიმდინარეობს.
ზელენსკიმ რუსეთის ტერიტორიაზე კონტრშეტევის მიზანზეც ისაუბრა.
დღეს ზუსტად ერთი თვე გავიდა რუსეთის კურსკის რეგიონში ჩვენი ოპერაციის დაწყებიდან – ეს ის საზღვარი იყო, საიდანაც პუტინი აპირებდა ომის გაფართოებას უკრაინის ტერიტორიაზე. ჩვენ შევცვალეთ თამაში და გადავიტანთ ომს რუსეთის ტერიტორიაზე ჩვენი კონტრშეტევის წყალობით“, – განაცხადა ზელენსკიმ.
მისი თქმით, უკრაინის შეიარაღებული ძალები ახლა კურსკის ოლქში 1300 კვადრატულ კილომეტრს აკონტროლებენ, რაც ასზე მეტ დასახლებას შეადგენს.
“ამ ტერიტორიის უმეტესი ნაწილი მიტოვებული იყო რუსი სამხედროების მიერ, ისინი უბრალოდ გაიქცნენ, როდესაც დაინახეს, რომ ჩვენი ჯარები უახლოვდებოდა. დაიღუპა და დაიჭრა მხოლოდ კურსკის რეგიონში, ასევე ათიათასობით რუსი სამხედრო მოსამსახურე სხვა საბრძოლო რაიონებში“, – განაცხადა ზელენსკიმ.
კომენტარები