5 ივლისის მოძალადეების და ორგანიზატორების დასჯასთან დაკავშირებით დასმულ შეკითხვას “ქართული ოცნების” თავმჯდომარე ირაკლი კობახიძე, მედიასთან პასუხობს და ამბობს:
“რაც შეეხება ორგანიზატორების დასჯას. თქვენ იცით რომელიმე სახელი და გვარი ორგანიზატორის, რომელიც უნდა დასჯილიყო და არ დაისაჯა? ერთი სახელი და გვარი მითხარით. და რა გააკეთა მაგალითად, პირობითად მორგოშიამ. ამაში მე ვერც შევალ გამომდინარე იქიდან, რომ ეს არის სამართალდამცავი ორგანოების პრეროგატივა, მაგრამ იმ სტანდარტით რომ წავყვეთ ჩვენ გამოძიებას, რა სტანდარტიც თქვენ გინდათ, საუბარია მორგოშიასა და მახარაძის დასჯაზე ამ შემთხვევაში, მაშინ გამოვა, რომ მაგალითად ოპოზიციიდან იქნება ნახევარი პოლიტიკური სპექტრი დასაჭერი.. აქ საუბარია სისხლის სამართლის სტანდარტებზე. სისხლის სამართლის სტანდარტი იცით რა არის? მორგოშია რომ იყოს სამართლებრივი სტანდარტით დასაჭერი, აქამდე დაიჭერდნენ, ასე მგონია. ჩემი პრეროგატივა ეს არ არის, მაგრამ ასე იქნებოდა.”
კომენტარები