“ქოცნების მოწოდებას დასავლეთისთვის ბატის კუილის ფასი აქვს” – მამუკა გამყრელიძე

დიპლომატი, მამუკა გამყრელიძე:

დარწმუნებული ვარ ბევრმა წაიკითხა მელნიჩენკოს ინტერვიუ The Economist-ში. ან მოუსმინა მასზე სხვადასხვა ბლოგერებს. ეს სტატია გახლავთ პუტინის მესიჯი: “იმეგობრეთ რუსეთთან ისეთთან, როგორიც არის, თორემ უარეს რუსეთს მიიღებთ”. ამ მესიჯის არსი ძალიან ჰგავს პუტინის სპიჩს მიუნხენში 2007 წელს. თუმცა მაშინ გაცილებით მეტი ბრავადა და მუქარა გაისმოდა, დღეს კი ლამის მუდარას მოგვაგონებს.
მაგრამ მე სხვა რამეს მინდა მიაქციოთ ყურადღება. მსგავსი მოწოდება მოისმის ქართული ოცნების მხრიდანაც დასავლეთის მიმართ. “იმეგობრეთ ჩვენთან და მიგვიღეთ ისეთები, როგორიც ვართ.”
როგორც ჩანს ხელწერა ერთია და ერთ კანტორაში შექმნილ მესიჯთან გვაქვს საქმე. განსხვავება ის არის, რომ პუტინის მოწოდებაზე დასავლეთი შეიძლება დაფიქრდეს მაინც. აი, ქოცნების მოწოდებას კი მათთვის ბატის კუილის ფასი აქვს. სამწუხაროდ, რადგან მერჩივნა ისეთი ქვეყანა გვქონოდა ვისაც ანგარიშს უწევენ.