შსს კიდევ ერთ ბრიფინგს მართავს:
მათი თქმით, გამოკითხულია 110 პირი, დათვალიერებულია 65 ვიდეოსათვალთვალო კამერა.
შსს ამტკიცებს, რომ სასტიკად ნაცემი ლექსო ლაშქარავა ზედოზირებით გარდაიცვალა.
შსს-ს თქმით, ქიმიური ექსერტიზის პასუხი უკვე ცნობილია და გვამიდან აღებულ ნიმუშებში აღმოჩნდა, ნარკოტიკური ნივთიერებები:
მორფინი, კოდეინი, ტეტრაჰიდროკანაბინოლი, გაბაპენტინი და მონოაცეტილმორფინი”
“ექსპერტიზის მიხედვით, გარდაცვალების მიზეზი შეიძლება გამხდარიყო ამ ნარკოტიკებით ზედიზორება. ასევე, აღვნიშნავთ, რომ ექსპერტიზის დასკვნა არის შუალედური”. – განაცხადა კრიმინალური პოლიციის უფროსმა, მამუკა ჭელიძემ.
შსს უკვე 2 დღეა, ლექსო ლაშქარავას გარდაცვალებას ნარკოტიკებით შესაძლო ზედოზირებას უკავშირებს და არაფერს ამბობს იმაზე, რომ სიკვდილამდე რამდენიმე დღით ადრე ის ძალადობრივმა ჯგუფებმა სასტიკად სცემეს, პოლიციამ ტელეოპერატორი არ დაიცვა.
ოჯახის წევრები ამბობენ, რომ ცემის და ოპერაციის შემდეგ ლექსო ლაშქარავას ძლიერი ტკივილები ჰქონდა.
სანამ შსს ნარკოტიკებით ზედოზირების საკითხს წამოწევდა, ეს ვერსია აქტიურად შუქდებოდა რიგ მედიასა და სოციალურ ქსელში.
“ალია” შეგახსენებთ იმასაც, რომ მაგალითად 18 ივლისს გარდაცვლილი თამარ ბაჩალიაშვილის შემთხვევაში, ქიმიური ექსპერტიზის დასკვნა დათარიღებული იყო 19 აგვისტოთი, როგორ მოახერხა შსს-მ ამჯერად, თითქმის 24 საათში ქიმიური ექსპერტიზის პასუხის მიღება დაუდგენელია.
კომენტარები