დეპუტატი, ლევან იოსელიანი:
“ყველამ იცით, რომ ჩემი მეგობარი ალეკო ელისაშვილი იმყოფება უკრაინაში. მან მიიღო გადაწყვეტილება, რომ იარაღით ხელში დაიცვას უკრაინა, რადგან მასაც და მეც მჯერა რომ ყველა ვინც დღეს უკრაინის თავისუფლებისთვის იბრძვის, იბრძვის საქართველოს თავისუფლებისთვისაც. ძალიან გთხოვთ, გავამხნევოთ დღეს ყველა ის ქართველი, ვინც ბრძოლის ველზე იმყოფება.
ასევე, დღეს განიხილება ევროკავშირში საქართველოს ინტეგრაციის შესახებ რეზოლუცია და იმედი მაქვს, მისი განხილვა ზედმეტი დაპირისპირების გარეშე ჩაივლის და ამ დარბაზში უკლებლივ ყველა პარტია დაუჭერს მხარს. ახლა მაინც ნამდვილად უნდა გავარჩიოთ დიდი და ვიწრო პარტიული ინტერესები ერთმანეთისგან და დავდგეთ იქ, სადაც ქართული სახელმწიფოს ინტერესია. ჩვენი სახელმწიფოს ინტერესი კი დღეს არის დასავლეთისკენ სწრაფვა და დღეს უკვე კაცობრიობის უდიდეს მტერთან, რუსეთთან დაპირისპირება.”
კომენტარები