“ყველა ქართველი ევროკავშირიდან იქნება დეპორტირებული” – გვარამია რეზოლუციაზე და რუსულ კანონზე

“ახალის” თანათავმჯდომარე ნიკა გვარამია:

რაც გვითხრეს ამ რეზოლუციით არის ის, რომ საქართველოს მოჭრილი აქვს გზა ევროპისკენ იმ შემთხვევაში, თუი ეს კანონი იქნება მიღებული და ვიდრე ეს კანონი იმოქმედებს. არ გაიხსნება მოლაპარაკებების ეტაპი საერთოდ.

უფრო მეტიც, მესამე ალბათ, ყველაზე მწვავე, საქართველოს ისტორიაში პირველად შესაძლოა გადაიხედოს უვიზო მიმოსვლის საკითხი, რაც შესაძლოა დამთავრდეს იმის, რომ თითოეული ქართველი დაკარგავს შესაძლებლობა უვიზოდ გაემგზავროს ევროკავშირის, შენგენის ქვეყნებში და კიდევ უფრო უარესი, ყველა ქართველი, ვინც იმყოფება ამჟამად ევროკავშირის ტერიტორიაზე, იქნება დეპორტირებული, როგორც კი სავიზო რეჟიმი შეიცვლება, ეს არის სრული კატასტროფა ჩვენი ქვეყნისთვის, ეს არის მისი იზოლაცია და ერთადერთი მიმართულება, სადაც ჩვენ შეუფერხებლად შევძლებთ ვიმოგზაუროთ არის რუსეთი, მაგრამ ეს მიმართულება არ სჭირდება საქართველოს არცერთ მოქალაქეს, გარდა ქართული ოცნებისა და მათი მომხრეების.

სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე – ევროპარლამენტის რეზოლუცია საქართველოზე