პოლიტიკოსი გოგი წულაია პატიმრობიდან გაათავისუფლეს. ინფორმაციას ადვოკატი ადასტურებს.
მისი თქმით, წულაიას გამოსაყვანად მიდის, თუმცა დეტალებზე არ უსაუბრია.
“მთავარი” ინფორმაციას ავრცელებს და ამბობს, რომ გოგი წულაიას გირაო შეუფარდეს, თუმცა, მედიის თქმით, გირაოს ოდენობა, ამ ეტაპზე უცნობია.
წულაია 17 მარტს დააკავეს. მას ბრალად ქალის მიმართ სექსუალური ხასიათის ქმედება ედება, ჩადენილი ძალადობით.
წულაია თავს უდანაშაულოდ მიიჩნევს და ამბობს, რომ პროვოკაცია მოუწყვეს.
წულაიას თავდაპირველად ბრალი 126-ე, ძალადობის მუხლით წარეგდინა. თუმცა 18 მარტს სისხლის სამართლის კოდექსის 126-ე მუხლი 138-ე მუხლად გადაკვალიფიცირდა, რაც გულისხმობს სექსუალური ხასიათის სხვაგვარ ქმედებას, რომელიც არ შეიცავს ამ კოდექსის 137-ე მუხლით [გაუპატიურება] გათვალისწინებული დანაშაულის ნიშნებს, ჩადენილი ძალადობით, ძალადობის მუქარით ან დაზარალებულის უმწეობის გამოყენებით.
წულაიას 19 მარტს სასამართლომ პატიმრობა შეუფარდა და არ გაითვალისწინა ადვოკატის მოთხოვნა, გამოყენებული ყოფილიყო გირაო პატიმრობის ნაცვლად. შეგახსენებთ იმასაც, რომ გოგი წულაია ბოლო პერიოდში, შიმშილობდა და ის არაერთხელ გახდა შეუძლოდ, როგორც ამას მისი ადვოკატი ამბობდა.
კომენტარები