ხმაური და დაპირსპირებაა ამ წუთებში პირველ სამშობიარო კლინიკაში – გეგმიური ოპერაციის დროს დაღუპული ახალგაზრდა ქალის ოჯახი პასუხებს ითხოვს.
ნინო მუჯირიას ახლობლებს აქვთ ეჭვი, რომ 35 წლის ქალი ექიმების დაუდევრობას ემსხვერპლა და ოპერაცია გააკეთა იმ ექიმმა, რომელსაც შესაბამისი ლიცენზია არ ჰქონდა.
გარდაცვლილის ოჯახის წევრები ამბობენ, რომ პროცედურის შემდეგ პაციენტის მდგომარეობა მოულოდნელად დამძიმდა, ქალი კომაში ჩავარდა და 6 თვის შემდეგ გარდაიცვალა.
ცოტა ხნის წინ ადგილზე ვითარება ისე დაიძაბა, რომ კლინიკაში პოლიციაც მივიდა.
ოჯახის წევრები ამბობენ, რომ კლინიკას მანამ არ დატოვებენ, ვიდრე იმ მედიკოსს არ შეხვდებიან, რომელმაც ოპერაცია ჩაატარა.
“ეს გოგო მოკლეს. რატომ გაუკეთეს ოპერაცია მითხარით, თუ ცხელება ჰქონდა. მიცვალებული თავს ვერ დაიცავს .
მეექვსე თვეა გოგო რეანიმაციაში იწვა, შედეგს ვერ მივაღწიეთ. პირიქით დაღუპეს, მოკლეს,დ აჩეხეს, არაფერი არ დააკლდა ამ გოგოს. ექიმი, რომელმაც ოპერაცია გააკეთა დღემდე იძახის, ოპერაცია მე არ გამიკეთებიაო. ვის მოვთოვო პასუხი? – კლინიკის დირექტოს? კი ბატონო, აქ ვზივარ კაბინეტში, მაგრამ გაიპარა და წავიდა იმის გამო, რომ იმ ექიმს ვითხოვ, რომ პასუხი მოვთხოვო”, – ამბობს გარდაცვლილი გოგოს ოჯახის წევრი.
კომენტარები