შინაგან საქმეთა სამინისტროს, განცხადებით, სოლოლაკში ბიძინა ივანიშვილის შუშის სასახლესთან სროლის ფაქტზე ერთი პირი, 37 წლის წარსულში ყაჩაღობისთვის ნასამართლევი ა.რ. დააკავეს. უწყებამ მას ბრალად ცეცხლსასროლი იარაღის მართლსაწინააღმდეგო შეძენა-შენახვა-ტარებას სდებს, თუმცა, გაგიკვირდებათ და იგივე უწყების განმარტებით, პირს არ ჰქონდა ცეცხლსასროლი იარაღი, ჰქონდა ხმოვანი პისტოლეტი და 2 აირის ვაზნა.
“სამართალდამცავებმა ა.რ. მომხდარიდან რამდენმე საათში დააკავეს, ნივთმტკიცებად კი, სავარაუდოდ, ხმოვანი პისტოლეტი და მასში მოთავსებული 2 აირის ვაზნა ამოიღეს. დაკავებული დანაშაულს აღიარებს. “
ცეცხლსასროლი იარაღის მართლსაწინააღმდეგო შეძენა-შენახვისა და ტარების ფაქტზე გამოძიება საქართველოს სსკ-ის 236-ე მუხლის მე-3 და მე-4 ნაწილებით მიმდინარეობს და პროკურატურა მას 7 წლიანი პატიმრობით ემუქრება.
საქმე ისაა, რომ როგორ უკვე გითხარით “ალიას” მკითხველს” ხმოვანი იარაღის შეძენას და ტარებას ნებართვა არ სჭირდება, გამომდინარე იქედან, რომ აირის ვაზნებში ტყვია არ დევს, ბალისტიკური ექსპერტიზა ვერ ჩატარდება, რას უნდა ჩაუტარდეს ექსპერტიზა, რაც არ არის იმას ხომ ვერ ჩაუტარდება – ამ ფონზე, რა აღიარა და როგორ აღიარა ბრალდებულმა, რომელსაც ცეცხლსასროლი იარაღის შეძენა-ტარებისთვის აქვს მუხლები წაყენებული – დანაშაულია – უცნობია. თუ ბრალდებულმა თქვა, რომ მან გაისროლა ფუჭი ტყვიები, ეს ამ მუხლით წაყენებული ბრალის აღიარებაა?
ინფორმაციისთვის, “ალია” აქვე გეტყვით, რომ ექსპერტიზა ამ შემთხვევაში შეიძლება ჩაუტარდეს მასრას და იარაღს – ოღონდ, არანაირ კავშირში ცეცხლსასროლი იარაღის ტარების, ან შეძენის მუხლთან ამას არანაირი კავშირი არ ექნება.
მოკლედ, რაღაც ძალიან კომიკური ხდება ამ, წუთებში შსს-სა და პროკურატურაში, ოღონდ, თავადაც იციან თუ არა ამის შესახებ და თავადაც ეცინებათ, თუ არა, ამას ვერ გეტყვით.
სანამ გაირკვეოდა, რომ ბრალდებული აქციის მონაწილეების მხარდამჭერი იყო, მის პოვნასა და დასჯას აქტიურად ითხოვდნენ, იმედია, ახლა როცა გაირკვა, რომ მხოლოდ სასიგნალო იარაღიდან ნასროლი ფუჭი ტყვიების ხმა იყო სიგნალის ფონზე, აქციის მონაწილეების მხარდაჭერას მიიღებს დაკავებული საპასუხოდ, საყვირებით მაინც.
“ალია” დაუკავშირდა ადვოკატ გურამ კონტუაძეს და ვკითხეთ მას, რა მუხლით შეიძლება შეედავოს პროკურატურა დაკავებულს:
“ხულიგნობის მუხლსაც ვერ გამოიყენებენ, რადგან, ხულოგნობა ეს არის ქმედება, რომელიც უხეშად არღვევს საზოგადოებრივ წესრიგს და გამოხატავს საზოგადოებისადმი აშკარა უპატივცემულობას, ჩადენილი ძალადობით ან ძალადობის მუქარით, – აქ კი, ძალადობა ან ძალადობის მუქარა არ არის, შეწყდება სისხლის სამართლის გამოძიება და ალბათ გამოიყენებენ მუხლი 166 – ს, წვრილმანი ხულიგნობა − რომელიც არღვევს საზოგადოებრივ წესრიგსა და მოქალაქეთა სიმშვიდეს, – გამოიწვევს დაჯარიმებას 500 ლარიდან 1000 ლარამდე ოდენობით ან, თუ საქმის გარემოებებისა და სამართალდამრღვევის პიროვნების გათვალისწინებით ამ ზომის გამოყენება არასაკმარისად იქნება მიჩნეული, – ადმინისტრაციულ პატიმრობას 15 დღემდე ვადით – სულ ესაა. თუმცა, თუ აღმოჩნდება, რომ ხმოვანი იარაღია და ბალისტიკური ექსპერტიზა ვერ დაადგენს რომ ცეცხლსასროლი იარაღია – შესაბამისად ხულიგნობის მუხლსაც ვერ გამოიყენებს”
მანამდე კი, საქართველოს შინაგან საქმეთა სამინისტროს დაკავებული ჰყავს პირი, რომელსაც აღმოუჩინეს ხმოვანი იარაღი და აირის 2 ვაზნა, საქართველოს პროკურატურას აღძრული აქვს საქმე ცეცხლსასროლი იარაღის უნებართვო შეძენისა და უნებართვო ტარების მუხლით, ხოლო, ბრალდებული, რომელსაც ხმოვანი იარაღი და ფუჭი ვაზნები ჰქონდა, ამ მძიმე მუხლების ბრალს აღიარებს და თავს თვლის დამნაშავედ.
როგორ მოახერხა პროკურატურამ და შსს-მ მისი დარწმუნება, რომ ხმოვანი პოსტოლეტი ცეცხლსასროლი იარაღია – ამაზე პასუხი არ გვაქვს.
შეგახსენებთ, სროლიდან ძალიან მალევე, “ალიამ” მოამზადა მასალა და მკითხველს უთხრა, რომ ეს სწორედ სასიგნალო იარაღი იყო, იგივე ხმოვანი, იგივე “სტარტოვკა” და ვაზნები კი ფუჭი.
ასევე შეგახსენებთ, რომ იძებნება ბადრი ესებუა! რავიცი, ისე, მაინც!
კომენტარები