ავტოსადგომი იქ, სადაც სიახლოვეს არც რაიმე განსაკუთრებული სიდიდის ობიექტებია და არც კორპუსების სიმრავლე, რატომ უნდა აშენდეს და ამისათვის რატომ უნდა იქნეს გადახდილი მილიონ ლარზე მეტი, ეს ის კითხვაა, რომელსაც მოქალაქეები სვამენ. ხუმრობენ კიდეც, რომ ალბათ, ჯერ ავტოსადგომს ააშენებენ და შემდეგ სავაჭრო ცენტრებს.
გარდა ამისა, მაცხოვრებლებს ეჭვი აქვთ, რომ შესაძლოა, სულაც არ აშენდეს ავტოსადგომი, ან სულაც სხვა რამ აშენდეს, ნაწილი კი ფიქრობს, რომ ეს ტენდერი, შესაძლოა, კორუცფიული გარიგება იყოს – რაც კიდევ ერთხელ გვაჩვენებს, როგორი დაბალი ნდობა აქვს მოქალაქეებში მერიას და რამდენად მაღალია ეჭვი ჩინოვნიკთა კორუფციაზე მოსახლეობაში.
აქვე ისიც უნდა აღვნიშნოთ, რომ სამწუხაროდ, ზოგადად კორუფციაზე ლოგიკური ეჭვის მიზეზიც ბევრია, უკვე დადასტურებული ფაქტიც და არც ნდობის ასამაღლებლად აკეთებს მერია რაიმეს. მართალია, რეკლამისა და იმიჯისათვის მილიონებს ხარჯავს, მაგრამ რომ არაფერი ვთქვათ, ხალხის საჭიროებებზე, ელემენტარულად, მერიის ოფიციალურ გვერდს, სოციალურ ქსელში, კომენტარების სახით, კრიპტოვალუტის დასარეკლამებლად რომ იყენებენ რიგი ორგანიზაციები, რომელთა კეთილსინდისიერებაზეც არაფერია ცნობილი, ამასაც კი არავინ აქცევს ყურადღებას.
რას წერენ მოქალაქეები, ბიუჯეტიდან მილიონზე მეტი ლარის გამოყოფაზე ავტოსადგომისთვის, რომელიც ვერა და ვერ გაიგეს, მაინც ვისთვის და რისთვის შენდება:
ნეტა მანდ ვის რად უნდა ავტოსადგომი, გააჩერებ და სახლში საზოგადოებრივი ტრანსპორტით წახვალ?
რად გვინდა ავტოსადგომი ქალაქგარეთ? ქალაქში მოაწყვეთ!
და მანდედან, რო ხიდი უნდა გაკეთებულიყო, ყველას რომ გვეშველებოდა მაგის საქმე როგორ იქნებაა??
ეს 10 წლის წინ რომ დაგვპირდნენ ქალაქში საპარკინგე ადგილების შექმნას ეგ არის. ვერტიკალურს ვერ ასწრებენ დროში, ვაცალოთ კიდევ 5-10 წელი.
საჯარიმო სადგომი მოეწყობა 100%
რა გიხარიათ ხალხნო ქუჩებიდან მოტაცებული მანქანებისთვის აშენებენ იმდენს იტაცებენ ვერეს ხეობაში რომ სადგომი აქვთ იქ ვეღარ ატევენ.
თავდაპირველად ავტოსადგომი იქნება! შემდეგ კი სავაჭრო ცენტრს ააშენებენ და ეგ არის!!!
ზაჰესში უნდა გაგეკეთებინათ. მანდ ვისთვის აკეთებთ?
ერთი კარგი ავტოსადგომი სახელად თბილისი.
საჯარიმო ავტოსადგური შენდება, საპარკინგე ადგილებს რო ამცირებენ, სახლიდან წამალზე რო დაგირეკავენ, მანქანას რო ვერ გააჩერებ, აფორიაქებული ადამიანი აფთიაქთან რო დააპარკინგებ და ზესტად 7 წუთში მანქანას “ფუკასავით” რო აგაცლის მერიის სამსახური ეე იმ მანქანებისთვის აშენებენ. თან დამცინავი ღიმილით გვიცხადებენ, “ჩვენი მიზანია თქვენთვის დისკომფორტის შექმნაა, რომ საზოგადოებრივ ტრანსპორტზე გადაგსვათო”, ამათ აღარ ეღირსოთ ჩვენი ფულით ნაყიდი და მათთვის მუქთა მანქანები და ბენზინი, მაგრამ რად გინდა, ამათ ისეთი სქემები აქვთ დალაგებული ესენი სულ იქნებიან თანამდეგობებზე და მერე შვილებს გადაულოცავენ სკამებს და სკამების გავლენით აშენებულ სასახლეებს.
ალბათ საჯარიმო ავტოსადგომია თორე მანდ ვის რად უნდა ავტოსადგომი? ან იმას გვერდით რომაააა ადგილი გაუცვალეს და ის ადგილი ჭირდებათ რაღაცისთვის.
ჯერ ერთი მანდ ვის რად უნდა ავტოსადგომი, მეორეც განა რა მოცულობის სადგომი უნდა იყოს 1295000 ლარი რომ ჯდება, ეტყობა ფული შემოაკლდა ვიღაცას და “ატკატებსაც” ჩაიჯიბავს, ყველა ბედნიერი იქნება და მერე იტყვიან ეკონომიკა გაგვეზარდაო.
ავტოსადგომზე მნიშვნელოვანი და პრობლემური მანდ ისაა რომ გზა არის ვიწრო და კიდევ ერთი ზოლის დამატებაა საჭირო.
კი მაგრამ, ვისთვის? მანდ ირგვლივ არაფერი არ არის -_-
მერია, ეს დიდ მიღწევად მიგაჩნიათ???
“როგორ მოვიპაროთ ბიუჯეტი ლეგალურად” ვის რად უნდა გელოვანზე სადგომი თან ამ მცირე რაოდენობაზე?
მანდედან მარცხენა სანაპიროზე გადასასვლელი ხიდი იყო დაგეგმილი და რა ავტოსადგომი. ხიდი გააკეთეთ ციტა ამოისუნთქებს საცობებისგან ქალაქი, რას უბერავთ.
მანდ ნეტავი რა დატვირთვა აქვს ავტოსადგომს…
აკი, ამბობდენ სამტრედიის ქუჩიდან ხიდი უნდა გადმოვიდეს და ვეფხვის და მოყმის მოედანზე დიდი კვანძი გაკეთდებაო. გადაგვაგდეს?
ესენი მთლად გადებილდნენ,რაში და სად ხარჯავენ ჩვენ ფულს და ჩვენს ვალებს – ვის რად უნდა მაგ ადგილას პარკინგი? მაქ გზა უნდა გადიოდეს იმ მანქანებისთვის რომლებიც მაჭავარიანიდან ჩამოდიან და გაგარისნისკენ მიდიან. მაქედანვე უნდა გაკეთებულიყო ალბათ გზა ნაცების პროექტით 2012 წელს, რომელიც გელოვანს მტკვრის მეორე სანაპიროსთან შეართებდა, მაგრამ ამ საქმეს ქართული კომპანია ვერ გააკეთებდა და ჩინურისგან ალბათ “ატკატებს” ვერ იღებენ იმათი კომუნისტური პარტიის შიშით.
კომენტარები