ოპოზიციის ლიდერების და გაბრაზებული ამომრჩევლების ორივე კოლონა ერთმანეთს შეუერთდა და ივანიშვილის ბიზნესცენტრისკენ დაიწყო მსვლელობა, სადაც აქციას გამართავენ.
შუშის სასახლესთან პოლიციის უპრეცენდენტოდ მაღალი მობილიზება შეინიშნება.
აქციის მონაწილეები აღნიშნავს, რომ ივანიშვილსა და მის გუნდს არჩევნებს არ მოაპარინებენ.
შეგახსენებთ, რომ დილით არჩევნების გასაპროტესტებლად, ორი მიმართულებით, სააკაძის მოედნიდან ცესკოსკენ და ავლაბრის მეტროდან შინაგან საქმეთა სამინისტროსკენ დაიძრნენ.
ცნობისთვის, საზოგადოებისა და ოპოზიციის პროტესტი უკვე მეექვსე დღეა გრძელდება – ისინი არჩევნების გაყალბებულ შედეგებსა და მიტაცებულ ხმებს აპროტესტებენ. კვირას, 8 ნოემბერს კი 3 საათზე ხალხი პარლამენტის წინ შეიკრიბება, ცესკო-ს თავმჯდომარის თამარ ჟვანიას გადაყენებასა და ხელახალ არჩევნებს მოითხოვს.
კომენტარები