სპეციალური პენიტენციური სამსახურის სამედიცინო დეპარტამენტის უფროსის მოადგილე გიორგი ჩიდრაშვილის ინფორმაციით, მიხეილ სააკაშვილის მდგომარეობა სტაბილურია და მისი სასიცოცხლო მაჩვენებელი ნორმის ფარგლებშია.
“მიხეილ სააკაშვილი იმყოფება სამედიცინო პერსონალის, მათ შორის მოწვეული ექიმი სპეციალისტების მუდმივი მეთვალყურეობის ქვეშ. მისი ჯანმრთელობის მდგომარეობა სტაბილურია, ძირითადი სასიცოცხლო მაჩვენებლები ნორმის ფარგლებშია”,-თქვა მან.
მისივე მტკიცებით, სააკაშვილი იღებს აუცილებელ კვებით დანამატებს, მათ შორის თხევადი სახით – “როგორც მოგახსენეთ, ეს არის კვებითი დანამატები, აუცილებელი კვებითი დანამატები, მათ შორის მისი მიღება ხდება სითხის სახით,”– თქვა ჩიდრაშვილმა.
დღეს მიხეილ სააკაშვილის პატიმრობისა და შიმშილობის 37-ე დღეა.
კომენტარები